Komisioni parlamentar do te rimandatoje dy drejtuesit e KKRT-se
Komisioni Parlamentar i Mjeteve te Informimit miraton ne parim projektligjin Per transmetimet me ze dhe/ose me ze e figure ne Republiken e Shqiperise. Me nente vota pro dhe nje abstenim ky komision votoi kete draft i cili sipas mazhorances eshte hartuar mbi bazen konsultative te Komisionit Europian dhe Keshillit te Europes. Vota abstenuese erdhi nga i vetmi deputet socialist i pranishem ne mbledhjen e djeshme Kastriot Islami. Ai i kerkoi komisionit qe te mos nxitohet ne miratimin e ligjit por qe te presin me pare deputetet e opozites. Ka nje kontribut te deputeteve te opozites ne miratimin e ketij drafti te rendesishem. Mendoj se duhen pritur edhe deputetet e opozites. Me miratimin me konsensus te nje ligji te tille mund tu japim mesazh nderkombetareve se pavaresisht se ky ligj nuk kerkon 3/5 e votave ka konsensus mes mazhorances dhe opozites tha Islami i cili shpjegoi ne kete menyre dhe arsyen se pse abstenoi nje draft te tille. Deputeti socialist nderkohe kerkoi te dije nese drafti qe do te ripunohet do te jete serish objekt i certifikimit te Keshillit te Europes dhe Komisionit Europian. Ekspertet e pranishem kane kembengulur se pjesa me e madhe e neneve te draftit jane ne perputhje me Acquis Comunitare. Komisioni parlamentar i Integrimit e ka kaluar kete draft dhe mund tju them se eshte konstatuar se eshte ne perputhje te plote me rekomandimet e BE-se si dhe me acquis comunitare tha deputeti i PD-se Gert Bogdani. Por Islami theksoi se duhet pasur kujdes pasi nje ligj i tille do te kaloje ne testin e BE-se. Ai kerkoi qe keto ndryshime para votimit ne seance te shkojne per certifikim prane organizmave nderkombetare. Nenkryetari i Komisionit te Medias Mark Marku duke pare keto qendrime te deputetit Islami kerkoi qe drafti te miratohet vetem ne parim dhe sot te nise puna per shqyrtim nen per nen duke perfshire ne diskutime dhe verejtjet e grupit te interesit. Nderkohe qe burime bejne te ditur se Komisioni Parlamentar i Medias do te diskutoje per plotesimin e mandateve te anetareve te KKRT-se. Mesohet se mazhoranca do te rimandatoje dy drejtuesit e ketij institucioni Indira Bushati dhe Alban Karapici. Shqyrtimi i kandidaturave pritet te realizohet sot nga Komisioni i Medias. Mandati i anetareve te KKRTR-se eshte pesevjecar.