Komisioni për Veprimtaritë Prodhuese, Tregtinë dhe Mjedisin shqyrton projektligjin Për regjistrimin e përgjithshëm të njësive ekonomike bujqësore.
Komisioni për Veprimtaritë Prodhuese, Tregtinë dhe Mjedisin, në mbledhjen e datës 3.12.2009, në orën 11:00, shqyrtoi projektligjin Për regjistrimin e përgjithshëm të njësive ekonomike bujqësore.
Ishin të pranishëm në mbledhje: përfaqësuesja e Ministrisë së Bujqësisë, Ushqimit dhe Mbrojtjes së Konsumatorit, Minevere Rusi, përfaqësuesit e INSTAT-it: Maldi Dema dhe Elsa Dhuli, si dhe këshilltari i Ministrit të Shtetit, Sidrit Malevi.
Fillimisht u dëgjua kryetari i Komisionit, Jemin Gjana, i cili është dhe relatori i komisionit për këtë projekligj. Ai theksoi se ky projektligj i rëndësishëm, është i vonuar, prandaj duhen përshpjetuar procedurat e shqyrtimit të tij në Kuvend, me qëllim vënien e tij sa më shpejt në zbatim.
Bujqësia është sektori mbizotërues i ekonomisë shqiptare.
Objekti i ligjit është organizimi dhe realizimi i regjistrimit të përgjithshëm të njësive ekonomike bujqësore në Republikën e Shqipërisë.
Projektligji është bazuar në ligjin Për statistikat zyrtare dhe do të shërbejë për përmirësimin e staistikave zyrtare, në përputhje me standartet e BE-së. Relatori i projektligjit u shpreh dakort në parim me projektligjin, por pati vërejtje për nene të veçanta të tij. Më tej, u dëgjuan shpjegimet e përfaqësueses së INSTAT-it, Elsa Dhuli. Ajo theksoi se regjistrimi do të përfshijë të gjitha sipërfaqet e shfrytëzuara bujqësore brenda territorit të Shqipërisë, duke përjashtuar tokat e lëna djerrë apo ato jo pjellore. INSTAT-i do të jetë organi kryesor i ngarkuar me kryerjen e regjistrimit. Regjistrimi do të kryhet çdo dhjetë vjet. Vlera e tij do të jetë rreth 2.5 milion Euro. Burimet financiare për realizimin e regjistrimit do të jenë nga një projekt i BE-së (Për asistencë ligjore), nga Buxheti i Shtetit (për pagesat e administratës) dhe nga Projekti SIDA (për mbështetje teknologjike informatike). Mbledhja vijoi me pyetjet për specialistët. Pas dëgjimit të përgjigjeve të tyre, iu la detyrë hartuesve të ligjit të reflektojnë vërejtjet që bënë anëtarët e komisionit për nene të veçanta. U propozua të shtohet një nen i veçantë për kushtet që duhet të plotësojnë anketuesit. Të bëhet përcaktimi i penaliteteve, si për anketuesit që vënë të dhëna të rreme, ashtu edhe për deklaruesit që japin të dhëna që nuk përputhen me realitetin. Të përcaktohet si do të veprohet me fermat bujqësore të cilat, nuk e kanë prezent pronarin e tyre në momentin e regjistrimit etj. Shqyrtimi nen për nen i projektligjit do të vijojë në mbledhjen e datës 7.12.2009, në orën 11:00.
Objekti i ligjit është organizimi dhe realizimi i regjistrimit të përgjithshëm të njësive ekonomike bujqësore në Republikën e Shqipërisë.
Projektligji është bazuar në ligjin Për statistikat zyrtare dhe do të shërbejë për përmirësimin e staistikave zyrtare, në përputhje me standartet e BE-së. Relatori i projektligjit u shpreh dakort në parim me projektligjin, por pati vërejtje për nene të veçanta të tij. Më tej, u dëgjuan shpjegimet e përfaqësueses së INSTAT-it, Elsa Dhuli. Ajo theksoi se regjistrimi do të përfshijë të gjitha sipërfaqet e shfrytëzuara bujqësore brenda territorit të Shqipërisë, duke përjashtuar tokat e lëna djerrë apo ato jo pjellore. INSTAT-i do të jetë organi kryesor i ngarkuar me kryerjen e regjistrimit. Regjistrimi do të kryhet çdo dhjetë vjet. Vlera e tij do të jetë rreth 2.5 milion Euro. Burimet financiare për realizimin e regjistrimit do të jenë nga një projekt i BE-së (Për asistencë ligjore), nga Buxheti i Shtetit (për pagesat e administratës) dhe nga Projekti SIDA (për mbështetje teknologjike informatike). Mbledhja vijoi me pyetjet për specialistët. Pas dëgjimit të përgjigjeve të tyre, iu la detyrë hartuesve të ligjit të reflektojnë vërejtjet që bënë anëtarët e komisionit për nene të veçanta. U propozua të shtohet një nen i veçantë për kushtet që duhet të plotësojnë anketuesit. Të bëhet përcaktimi i penaliteteve, si për anketuesit që vënë të dhëna të rreme, ashtu edhe për deklaruesit që japin të dhëna që nuk përputhen me realitetin. Të përcaktohet si do të veprohet me fermat bujqësore të cilat, nuk e kanë prezent pronarin e tyre në momentin e regjistrimit etj. Shqyrtimi nen për nen i projektligjit do të vijojë në mbledhjen e datës 7.12.2009, në orën 11:00.