Kompensimi i pronave, kriteret dhe dokumentet qe duhen plotesuar Rozeta Rapushi
Qeveria zbardh kriteret dhe dokumentet qe pronaret duhet te plotesojne per te perfituar kompensim nga fondi special per pronat. Ne mbledhjen e djeshme te Keshillit te Ministrave, u miratua vendimi per "Percaktimin e rregullave dhe kritereve per shperndarjen e fondit te kompensimit te pronareve, ne te holla per vitin 2012". Sipas ketij vendimi, te gjithe pronaret, prona e te cileve eshte njohur per kompensim, do te kompensohen sipas radhes kronologjike te percaktuar nga numri dhe data e vendimit. Por kompensimi sipas vendimit ne fjale, do te kryhet vetem nese pronaret permbushin tre kritere; qe vendimi qe ka percaktuar kompensimin e prones eshte perfundimtar, vendimi, qe ka percaktuar kompensimin e prones, eshte i ekzekutueshem dhe kur vendimi, per te cilin aplikohet, nuk eshte trajtuar asnjehere me kompensim. "Ne rastin e vendimeve te cilat jane ndryshuar pjeserisht, per efekt klasifikimi do te merret numri dhe data e vendimit baze qe eshte me i hershem ne radhe kronologjike, per njohjen, kthimin dhe kompensimin e asaj prone", - percaktohet ne vendim. Kompensimi, do te behet per pronen e llojit truall, ne baze te cmimit te percaktuar ne harten e vleres, te miratuar sipas vendndodhjes se prones qe kompensohet. Per te perfituar nga kompensimi, pronaret duhet te plotesojne dhe te paraqesin prane Agjencise se Kthimit dhe Kompensimit te Pronave (AKKP) dokumentet perkatese. Me konkretisht, duhet dorezuar kerkesa per kompensim ne te holla, deklarata per pranimin e kritereve per kompensim dhe te kushteve te tjera qe lidhen me to, titulli per njohjen dhe kompensimin e prones, qe, sipas rastit, mund te jete vendim i Komisionit te Kthimit dhe Kompensimit te Pronave, vendim i Agjencise se Kthimit dhe Kompensimit te Pronave, si dhe vendim i gjykates, ne rastet kur vendimet e siperpermendura jane ndryshuar ne rruge gjyqesore. Po keshtu, duhet te depozitohet edhe planvendosja perkatese e vendimit, si edhe plani i rilevimit te prones se njohur per kompensim ne fragmentin e hartes treguese te regjistrimit te pasurive te paluajtshme, deshmia e trashegimise dhe nese disponohet, prokure te posacme, te nenshkruar nga te gjithe trashegimtaret e ligjshem, ne ato raste kur pjeset takuese nuk jane te percaktuara ne vendimin e KKP-se/ZRAKKP-se. Ketyre dokumenteve u shtohen edhe vendimet e KKP-se/ZRAKKP-se ku jane percaktuar pjeset takuese te secilit bashkepronar, cdo akt tjeter gjyqesor apo administrativ me ane te te cileve provohet pjesa takuese e secilit bashkepronar si dhe dokumenti i identifikimit (leternjoftim apo pasaporte) te perfaqesuesit te pajisur me prokure dhe mandatpagesa.