Kompjuterët dhe celularët, kontroll të rreptë në doganë
15/04/2011 Survejimi deri në qershor
Bizneset që importojnë dhe eksportojnë pajisje elektronike si kompjuterë apo celularë do t’i nënshtrohen një kontrolli të rreptë në doganë. Nga 1 janari i këtij viti për çdo import apo eksport të mallrave sensitive, apo me përdorim të dyfishtë, merret dhe certifikatë kontrolli nga Agjencia e Kontrollit të Eksporteve. Gjithashtu, një emigrant nuk mund t’u dërgojë më me postë asnjë celular një të afërmi, pasi burokracitë janë të shumta. Një masë e tillë do të jetë e përkohshme, 6 muaj dhe bëhet për të kontrolluar të gjitha mallrat me përdorim të dyfishtë. Në një takim me bizneset, drejtori i Autoritetit të Kontrollit shtetëror të Eksporteve, Erald Dervishi, sqaroi procedurat e këtij kontrolli, i cili ndërmerret në kuadër të luftës antiterrorizmi. Lista përmban 8 mijë produkte dhe përfshin kryesisht pajisjet kompjuterike përfshirë kompjuterët dhe celularët, ndërsa te mallrat sensitivë hyn edhe kafeja, por edhe ato ushtarake. Ky kusht është vënë për 75% të tyre. Megjithatë, përfaqësuesit e bizneseve e shikojnë një procedurë të tillë si ngarkesë në praktikën e zhdoganimit të produkteve gjatë eksportimit apo importimit. Dhoma Amerikane e Tregtisë po lobon për heqjen e burokracive që rrjedhin nga ky ligj, ndërsa sugjerimet do t’i dërgohen institucioneve shtetërore.
Bizneset që importojnë dhe eksportojnë pajisje elektronike si kompjuterë apo celularë do t’i nënshtrohen një kontrolli të rreptë në doganë. Nga 1 janari i këtij viti për çdo import apo eksport të mallrave sensitive, apo me përdorim të dyfishtë, merret dhe certifikatë kontrolli nga Agjencia e Kontrollit të Eksporteve. Gjithashtu, një emigrant nuk mund t’u dërgojë më me postë asnjë celular një të afërmi, pasi burokracitë janë të shumta. Një masë e tillë do të jetë e përkohshme, 6 muaj dhe bëhet për të kontrolluar të gjitha mallrat me përdorim të dyfishtë. Në një takim me bizneset, drejtori i Autoritetit të Kontrollit shtetëror të Eksporteve, Erald Dervishi, sqaroi procedurat e këtij kontrolli, i cili ndërmerret në kuadër të luftës antiterrorizmi. Lista përmban 8 mijë produkte dhe përfshin kryesisht pajisjet kompjuterike përfshirë kompjuterët dhe celularët, ndërsa te mallrat sensitivë hyn edhe kafeja, por edhe ato ushtarake. Ky kusht është vënë për 75% të tyre. Megjithatë, përfaqësuesit e bizneseve e shikojnë një procedurë të tillë si ngarkesë në praktikën e zhdoganimit të produkteve gjatë eksportimit apo importimit. Dhoma Amerikane e Tregtisë po lobon për heqjen e burokracive që rrjedhin nga ky ligj, ndërsa sugjerimet do t’i dërgohen institucioneve shtetërore.