Komunaret, kunder ndeshkimit per hashashin

Fier- Kryekomunaret kerkojne qe te ndryshohet ligji per rastet e penalizimeve, kur zbulohen parcela me hashash ne zonat qe administrojne. Prefektura e Fierit, ka zhvilluar dje nje takim ne kuader te fushates kunder kultivimit dhe shitjes se bimeve narkotike, ku kane marre pjese, prefekti Shahin Bejdaj, drejtues te njesive vendore, Drejtorise se Bujqesise dhe Policise se Fierit. Prefekti kerkoi nje bashkepunim te ngushte mes komunitetit e policise dhe drejtuesit e komunave e te arsimit. “Jam dakord, ka pohuar kryekomunari i Libofshes Nikolla Zarka, qe te mbaj pergjegjesi, por ne rastin kur e di dhe nuk kam treguar, pasi ne rast se nuk di gje per rastin, atehere perse te penalizohem”. Agim Qejvani, kryekomunar ne Levan, ka pohuar ne takim se “eshte kthyer ne fenomen qe burrat sakrifikojne grate, pasi kultivojne hashash dhe kur shkon policia, ikin ne drejtim te paditur”. Sipas tij, policia duhet te njoftoje njesite vendore nje dite para operacionit. Etem Bita, perfaqesues i Drejtorise se Bujqesise, ka pohuar se fermeret i jane kthyer kultivimit te frutoreve e vreshtarise. Kurse kryepolici Shemsi Premci, ka bere nje panorame te hollesishme te kultivimit te hashashit ne Qarkun e Fierit. Ai tha se rasti i pare eshte zbuluar ne vitin 1993, ne komunat Frakull e Mbrostar. “Lulezimi i kesaj bime ka arritur kulmin ne vitet 1996-1999. Vetem brenda nje viti jane asgjesuar 69 mije bime hashashi”, tha Premci.