Koncert me kengetare te njohur per fondacionin e ish presidentit Klinton

Fundjava qe familja Klinton kaloi ne Los Anxhelos kishte ne qender filantropine. Ish familja e pare amerikane organizoi nje mbremje gala per te festuar 65 vjetorin e presidentit Bill Klinton dhe nje koncert te mbushur me yje te Hollivudit gjithcka me synimin per te grumbulluar fonde per fondacionin William J. Clinton. Ky vit shenon 10 vjetorin e perpjekjeve globale te fondacionit per nje numer kauzash qe perfshijne shendetesine ekonomine dhe ambjentin.

Ne koncertin e organizuar mbreme Lady Gaga i kendoi kengen e ditelindjes presidentit Klinton ashtu si Marylin Monroe i kendoi John Kenedit. Superstari i muzikes pop qe gjithnje shtyn kufijte e argetimit transformoi kengen e saj Bad Romance duke e quajtur Bill Romance. Ajo ishte nje nga muzikantet e shumte qe interpretuan mbreme ne koncert. Biletat e koncertit qe u transmetua live permes faqes yahoo.com varionin nga 50 ne 550 dollare. Bono dhe grupi U2 perfunduan koncertin me nje variant akustik te kengeve Desire One dhe Sunday Bloody Sunday.