Konferenca e "Bolonjes", permbyllet ne Universitetin e Durresit

Ministria e Arsimit dhe Shkences organizoi dje konferencen permbyllese te nje raundi konferencash te zhvilluara ne te gjitha universitete ne vend mbi procesin e Bolonjes. Ekspertet shqiptare dhe ata te huaj, diskutuan ne ambientet e Universitetit "Aleksander Moisiu" mbi implementimin e Kartes se Bolonjes ne te gjitha universitetet tona. Ne pershendetjen e saj zv/ministrja e Arsimit dhe Shkences, Nora Malaj, vleresoi zhvillimet e fundit per implementimin e Kartes se Bolonjes si dhe seriozitetin dhe profesionalizimin e konferencave te organizuara nga Universitetet shqiptare ne nivel lokal dhe qendror. "Ne te njejten linje ka vijuar puna edhe per zbatimin e politikave qe mundesojne autonomine e universiteteve. Konferencat e organizuara deri me tani, kane provuar rendesine qe ka procesi i Bolonjes dhe ciklet e tij studimore, ne njohjen e tregut te punes e procesin e mesimdhenies; promovimin e rezultateve te pedagogeve dhe kerkimeve shkencore; si dhe rolin e studenteve ne autonomine e universiteteve", - tha Malaj. Ndersa perfaqesuesi i Akademise gjermane DAAD, Jurgen Rohling nenvizoi bashkepunimin e universiteteve gjermane dhe shqiptare ne reformat qe po kryhen ne kuader te procesit te Bolonjes. Tashme DAAD eshte pjese e programeve te levizshme ne rreth 200 universitete dhe 130 organizma studentore ne vende te ndryshme te Evropes, ndersa mbeshtetet nga projektet e ndryshme te Bankes Boterore dhe programet Erazmus, Atlantis, etj. Specialiste te Bankes Boterore dhe perfaqesues te institucioneve arsimore ne Shqiperi, si dhe rektore te universiteteve publike e private ne vend, diskutuan gjate mbi te gjitha stadet dhe arritjet e deritanishme te procesit te Bolonjes si dhe mbi programet e studimeve pasuniversitare. Kjo konference u zhvillua pas nje raundi te gjate konferencash me te njejten teme ne universitetet publike dhe private ne te gjithe Shqiperine.