Konflikt pronësie në Laprakë, policia parandalon një vrasje të dyfishtë

Ka mundur të përfundojë tragjikisht, por është ndalur me dy të plagosur një konflikt brenda fisit në kryeqytet. Mbrëmjen e sotme në zonën e Laprakës dy persona janë qëlluar me armë zjarri. Dy kushërinjtë Bekim dhe Lefter Zani, janë qëlluar nga një tjetër kushëri i tyre, pas një konflikti për motive pronësie.
 

Ka qenë ndërhyrja e shpejtë e forcave të Komisariatit Nr. 3 në Tiranë që ka parandaluar vrasje e dyfishtë, duke bërë të mundur arrestimin në flagrancë të shtetasit Eduart Gjeja, 28 vjec, si i dyshuari kryesor për krimin, ndërkohë që vijone hetimet për të zbuluar shkaqet e ngjarjes.

Ndërkaq të plagosurit janë transportuar menjëherë në Spitalin Ushtarak, ku ndodhen jashtë rrezikut për jetën.