Konflikti per Qarkun e Fierit Prokuroria Nuk ka veper penale
Pushohet procedimi penal per konfliktin e Qarkut te Fierit mes te djathteve e te majteve. Prokuroria e rrethit te Fierit ka pushuar procedimin penal qe kishte si objekt gjithe kallezimet penale qe te majtet dhe te djathtet depozituan ne institucionin e akuzes kundrejt njeri-tjetrit. Lajmi eshte bere i ditur per gazeten nga burime prane Prokurorise se Fierit te cilat sqaruan se pushimi i procedimit u vendos pasi ne materialet kallezuese te dorezuara nga te dyja palet nuk jane konstatuar elemente te vepres penale. Nga te njejtat burime mesohet se materialet kallezuese te depozituara aty si prej keshilltareve te majte te qarkut kunder ish-prefektit Bujar Hasa dhe ato denoncime te kryera prej te djathteve ndaj te zgjedhurit si kryetar qarku me date 21 shtator 2011 Vangjel Ndreka kane qene akte administrative dhe jo veprime qe bien ne kundershtim me dispozitat e Kodit Penal te Republikes se Shqiperise. Nisur nga ky fakt pas verifikimit te te gjithe materialeve kallezuese prokuroria ka vendosur mosfillimin e hetimit per asnje prej personave te denoncuar si dhe pushimin e ceshtjes ne fjale. Fillimisht ishin te majtet ata te cilet iu drejtuan prokurorise me nje kallezim penal ndaj ish-prefektit Bujar Hasa te cilin e akuzonin per uzurpim te vules se Qarkut te Fierit dhe veprime te paligjshme. Gjithashtu ata keshilltaret e majte e akuzonin ish-prefektin Hasa per fyerje per shkak te detyres. Gjithashtu keshilltaret e majte te qarkut si dhe i zgjedhuri prej tyre si kryetar Vangjel Ndreka kreu kallezim penal ne prokurori ndaj deputetit demokrat Alibeaj dhe disa drejtuesve te degeve te PD-se ne Qarkun e Fierit per shkaterrim te prones. Ne kete denoncim ata iu referuan tentatives se deputetit demokrat Alibeaj dhe mbeshtetesve te tij per te hequr bravat e deres ku ushtron detyren e tij kryetari i keshillit te qarkut. Por te djathtet e kishin nje alibi per kete veprim. Duke mos njohur si kryetar te keshillit te qarkut Vangjel Ndreken por Artur Shehun te zgjedhurin me 16 shtator e denoncuan Ndreken ne prokurori per uzurpim te zyres ku ushtron detyren kryetari i keshillit te qarkut. Ata kane pretenduar para hetuesve se kane shkuar vetem te hapin zyren qe sipas tyre i takonte Artur Shehut. Por prokuroria pasi thirri gjithe personat e denoncuar dhe ata qe kishin dijeni mbi ngjarjet si edhe sekuestroi pamje filmike te debateve te zhvilluara ne televizionet lokale i cilesoi gjithe veprimet e kryera prej te dyja paleve si akte administrative duke e pushuar procedimin penal te nisur pak pas kryerjes se kallezimeve.