Konkursi i bukurisë Miss GLOBE International organizohet sivjet nën kujdesin e Kryetares së Kuvendit, Jozefina Topalli.

  47 vajzat pjesëmarrëset në Miss Globe Internacional vizitojnë ambjentet e Kuvendit të Shqipërisë. Kuvendi i Shqipërisë hapi sot në mesditë dyert për 47 vajzat pjesëmarrëse në konkursin e Bukurisë Miss Globe Intenational i cili zhvillohet sërish në Shqipëri.   Është hera e parë që kjo sallë mbushet  me vajza kaq të bukura, ku sytë tuaj shndrisin nga  hareja dhe gëzimi. Bukuria juaj shërben si ura më e mirë  në marrëdhëniet njerëzore dhe është më e vërtetë.  Në jetë ju duhet të guxoni për të arritur atë që  doni.
Jam shumë e lumtur që ju ndodheni mes nesh dhe jeni njohur me venëet më të bukura të  Shqipërisë.- u shpreh Kryetarja e Kuvendit në takimin që pati me to.     Vajzat konkurrente falenderuan përzemërsisht Kryetaren e Kuvendit për mikëpritjen aq të ngrohtë si dhe për mbështetjen  që i ka dhënë këtij aktiviteti. Ato shkëmbyen dhurata dhe morën autografe të saj.
Kryetarja e Kuvendit, Jozefina Topalli i uroi atyre  suksese në karrierën e tyre të mëtejshme. Më pas ato vizituan ambjentet e Kryesisë së Kuvendit ku u njohën me administratën, funksionimin e saj, ambjentet e punës së deputetëve etj.     Konkursi i bukurisë Miss GLOBE International organizohet sivjet nën kujdesin e Kryetares së Kuvendit Jozefina Topalli.