Konkursi maratone, 10 ore per te ndryshuar Tiranen Luljeta ndoka

Shtate studio te njohura arkitekturore kane nisur dje garen ne Tirane, per projektin e Bulevardit dhe rehabilitimin e Lumit te Tiranes. Studiot Arkitekturore: DAR Group Turkey & United Kingdom, West 8 - The Netherlands, Albert Speer & Partners - Germany, Cino Zuchi Architetti - Italy, Gerkan, Marg & Partners - Germany, Kees Christianse & Partners - The Netherlands, Grimshae Architects - United Kingdom kane prezantuar masterplanet per zgjatimin e Bulevardit, deri tek lumi i Tiranes, me gjatesi 1.7 km dhe per zhvillimin e siperfaqes perreth saj, prej 132.8 ha. Po keshtu, keto studio sollen dhe nje masterplan per rehabilitimin e lumit te Tiranes, prej 6.7 km dhe zhvillimin e zones perreth. Shtate studiot arkitekturore do te paraqesin dhe propozime per zhvillimin e zones, nga lumi i Tiranes deri ne Paskuqan, perfshire edhe zgjatimin e Bulevardit, si dhe per zhvillimin e Kodrave te Paskuqanit. Kryetari i Bashkise se Tiranes, Lulzim Basha, tha se ky projekt do ta vendose perfundimisht Tiranen ne trajektoren e nje qyteti modern europian, te denje per sfidat e shekullit te XXI. “Ndryshimi qe ky konkurs parathote per nje pjese te mire te qytetit nuk eshte nje ndryshim qe mund te vije brenda nates, vecanerisht ne nje projekt kaq domethenes dhe te madh sa ky, por une jam shume i lumtur per besimin e jashtezakonshem qe demonstron prania e ketyre potencialeve te jashtezakonshem, te fushes se arkitektures urbane, ne qytetin tone, tek potenciali i Tiranes, tek shpresa, mundesia per nje Tirane Europiane, per nje Tirane, ku te punohet, jetohet, shijohet jeta me mire”, - tha ai. Sipas Kryetarit te Bashkise se Tiranes, zgjatimi i Bulevardit dhe rehabilitimi i lumit te Tiranes do te sjelle ndertimin e nje poli te ri ekonomik, hapjen e mijera vendeve te reja pune, permiresimin e cilesise se jetes etj. “Ky projekt do te rivitalizoje teresisht 1/5 e qytetit te Tiranes, do te ndertoje nje pol te ri ekonomik, i cili do te hape me mijera vende pune, do te ndihmoje ne permiresimin e trafikut, do te hape aksese te paimagjinuara me pare per qytetaret, te moshuarit, femijet e kryeqytetit, aksese ne hapesira te gjelbra, parqe argetuese, ne hapesira ujore, pra do te permiresoje teresisht cilesine e jetes ne Tirane, por mbi te gjitha do ta vendose perfundimisht Tiranen ne trajektoren e nje qyteti modern europian, te denje per sfidat e shekullit te XXI”, - vijoi Basha ne fjalen e tij.

Anetaret e Jurise:

Daniel Libeskind - nje prej baballareve te arkitektures moderniste dhe postmoderniste

Dr. Sarah Whitting - Dekane e shkolles se Arkitektures, ne Universitetin Rice

Dr Philip Road - Drejtor ekzekutiv i Shkolles Ekonomike ne Londer

Giles Robin Dolphin - Ish-Kryeurbanist ne Londer

Prof. Agron Lufi - Zeri me autoritar i arkitektures ne Shqiperi e rajon

Prof. Apolon Bace - Drejtor i Institutit te Monumenteve te Kultures.

Znj. Ulrike Bega - Keshilltare ne Bashkine e Tiranes

Z.Flamur Kuci - Keshilltar per Zhvillimin e Planifikimin e Territorit prane qeverise