"Konsultime falas per nxenesit"

Udhezimi i Ministrise se Arsimit ka parashikuar harkun kohor 2-7 qershor, kohe kur te gjitha shkollat duhet te zhvillojne konsultime me te gjithe nxenesit per dy provimet e detyruara. Ndersa per sa u perket provimeve me zgjedhje, udhezimi parashikon qe konsultimet e grupuara sipas lendeve me nxenesit duhet te zhvillohen pas perfundimit te provimeve te detyruara. Edhe per keto provime, maturantet qe duan te vazhdojne shkollen e larte, do te kene ne dispozicion plot 1 jave kohe, ditet kur te duan ata, qe te konsultohen me mesuesit e tyre. Me ane te ketyre konsultimeve, maturantet, kandidate per studente ne universitetet tona, do te krijojne nje ide te qarte se ku duhet te konkurrojne. Nje nisme tjeter, e cila do t'u vije ne ndihme maturanteve per lendet qe duhet te zgjedhin per te vazhduar shkollen e larte, eshte "Keshillimi i Karrieres". Me ane te kesaj nisme, maturantet do te dine te pakten se per ke kurs privat duhet te paguajne, ne menyre qe te mos u shkojne parate dem. MASH me anen e ketij udhezimi ka ngarkuar nendrejtoret e shkollave (ne mungese te tyre, drejtoret) per te dhene te gjithe informacionin e duhur cdo maturanti per provimet e matures. Me konkretisht drejtuesit e shkollave dhe zevendesit e tyre do te informojne maturantet mbi sistemin Merite-Preference, mbi menyren se si duhet t'i plotesojne formularet etj.