Ministria e Arsimit: "Nuk kemi licencuar asnje kurs privat"

Ministria e Arsimit ka deklaruar dje se nuk ka licencuar asnje kurs privat deri tani dhe se udhezimi i ministrit nuk e lejon nje gje te tille. "Do te marrim masat ndeshkimore, sipas ligjit nese do te kemi informacione per pranine e kurseve te tilla", thane burime nga zyra per shtyp e MASH. Megjithate, deri tani, ketij dikasteri nuk i ka mberritur ndonje denoncim, sepse, me sa duket, nxenesit nuk kane kuraje qe ta bejne nje gje te tille. Ata duan te mbrojne veten, dhe gjate viteve te kaluara, denoncime kane bere vetem pasi i kane perfunduar provimet e Matures Shteterore. Dhenia e kurseve private perben shkelje sipas urdhrave te Ministrise se Arsimit. Mesuesve qe do t´u zbulohet aktiviteti ne fjale, do t´u jepet nje verejtje me paralajmerim per pushim nga puna, si dhe perjashtim nga mesimdhenia. Ndersa per institucionet arsimore private do te merren masa te tjera. "Nese zbulojme raste te tilla, fillimisht kemi te drejte t´u bejme kerkese per nderprerje te aktivitetit, dhe nese ata nuk e bejne nje gje te tille, mund te fillojme per procedurat per mbyllje te aktivitetit", ka deklaruar zedhenesja per shtyp. Ajo thote se ende nuk eshte zbuluar ndonje rast i tille, por nese kjo ndodh, do te merren te gjitha masat per zbatimin e ligjit. Megjithate, prej disa ditesh ne organet e medieve elektronike, nje njoftim i nje qendre private, ka reklamuar veprimtarine e saj "per kurset e Matures Shteterore". Ndersa kurset "e ligjshme" per Maturen Shteterore do te zhvillohen ne prag te fundvitit shkollor, gjate oreve te mesimit, por ne asnje menyre nuk do te lejohen kurse pergatitore private per nje proces te tille. Premtimin e kane dhene specialiste dhe inspektore te Ministrise se Arsimit. Sipas tyre, MASH licencon shkolla te mesme, shkolla baze apo kopshte, por jo kurse pergatitore. MASH, qe ne vitin e pare te zbatimit te Matures Shteterore, ka udhezuar gjimnazet dhe te gjitha shkollat e mesme, qe nje pjese nga oret e lira ne programin mesimor te vitit te fundit, te perdoren per kurse falas ne shkolle per maturantet.