Konsumatoret, 370 milione euro borxh KESH

Rreth 370 milione euro arrijne borxhet qe konsumatoret i detyrohen Korporates Elektroenergjetike Shqiptare. Tashme me fillimin e diskutimeve per formulen e privatizimit te ketij sektori jane bere publike edhe shifrat e borxheve si dhe kredive qe ka marre OSSH-ja. Sipas ministrit te Ekonomise, Tregtise dhe Energjetikes, Genc Ruli, jane rreth 241 milione euro kredi afatgjata qe ka marre KESH-i per te bere investime per rrjetin e shperndarjes, nga te cilat 140 milione euro i perkasin OST-se dhe si pasoje do t'i mbarten investitorit strategjik. Duke sqaruar keto shifra, Ruli beri te ditur se gjitha keto borxhe jane te konsumatoreve privat, pra do te jete vete investitori, i cili do te operoje per mbledhjen e tyre. Sipas ketyre te dhenave, rezulton se te gjitha subjektet shteterore i kane shlyer detyrimet e prapambetura ndaj KESH-it dhe si pasoje edhe me investitorin e ri do te vijojne te njejtat marredhenie. Megjithate, rezulton se per cdo konsumator jane vlerat e sakta te borxhit si dhe afatet kohore, gjate se cilave nuk jane shlyer detyrimet e prapambetura te energjise elektrike. Privatizimi i Divizionit te Shperndarjes ne KESH cilesohet si me i rendesishmi dhe me i veshtiri ne historine e Shqiperise. Megjithate, ashtu edhe sic deklaruar me pare mendohet qe brenda muajve te veres se ketij viti ky proces te marr fund, duke e kaluar kete sektor ne duart e privateve.