Konsumatori, per here te pare ankesa online

Per here te pare, konsumatoret shqiptare do te kene mundesine qe te ankohen online, per cdo shqetesim qe kane. Nje risi e tille do te prezantohet sot, pikerisht me rastin e Dites Boterore te te Drejtave te Konsumatorit. "Konsumatori dhe te Drejtat e Tij - lancimi i nje sistemi per ankimin online te konsumatoreve", do te jete ne thelb te aktivitetit te sotem qe do te zhvillohet ne hotel "Rogner". Portali do te jape informacion per konsumatoret, lidhur me te drejtat e tyre, me politikat pro-konsumatorit nga ana e Qeverise, si dhe me legjislacionin per mbrojtjen e konsumatorit dhe me institucionet qe merren me kete mbrojtje ne Shqiperi. Nepermjet portalit, cdo qytetar do te mund te ankohet online per cdo shkelje qe ai/ajo mendon se ka pesuar ne te drejtat e tij/saj si konsumator. Portali ka nje formular ankese, te cilen qytetari mund ta mbushe dhe t'ia dergoje Komisionit per Mbrojtjen e Konsumatorit. Ankesa do te mund te procesohet nepermjet nje Sistemi te Menaxhimit te Ankesave. Mbrojtja e konsumatorit ka te beje ne thelb me ruajtjen e shendetit dhe te sigurise se konsumatoreve dhe me mbrojtjen e tyre nga cdo praktike abuzive e tregtareve. Me 15 mars 1962, presidenti amerikan Xhon F. Kenedi miratoi "Ligjin per te drejtat e konsumatoreve". Ligji perfshinte te drejten e informimit, te drejten e sigurise, te drejten per te zgjedhur dhe te drejten per t'u degjuar. Qe nga ajo kohe, 15 marsi eshte Dita Boterore e te Drejtave te Konsumatoreve. Ne vitin 1985, Asambleja e Pergjithshme e Kombeve te Bashkuara njohu universalitetin e te drejtave te konsumatoreve, kohe kur ajo miratoi direktivat per mbrojtjen e konsumatoreve, si dhe kater te drejta te tjera: te drejten e permbushjes se nevojave baze, te drejten e zhdemtimit, te drejtat per edukimin e konsumatoreve dhe te drejten per nje mjedis te shendetshem.