Kontrasti/ Radonjiç fiton, Blanko humbet
Dy trajnerët e vetëm të huaj që drejtojnë këtë sezon në Kategorinë Superiore, Mojash Radonjiç i Vllaznisë dhe Luis Manuel Blanko i Dinamos, patën fate të ndryshme në debutimin e tyre në javën e parë të Superligës.
Argjentinasi i Dinamos, Blanko, humbi 1-0 me Flamurtatin në ndeshjen hapëse të shtunën, edhe pse vinte me statusin e kampiones në fuqi, ndërkohë që malaziasi i Vllaznisë, Radonjiç, fitoi 3-2 kundër Kastriotit, që i kishte mbijetuar Superligës në ndeshjet plejof.
Sezonin e kaluar (2009-2010), kroati Ilija Lonçareviç i Tiranës humbi 3-1 me Flamurtarin, ndërsa serbi i Apolonisë, Esad Karishik fitoi 2-0 me Teutën.
Në sezonin 2008-2009, kroati i Dinamos, Zllatko Daliç, barazoi 0-0 me Teutën në Tiranë, ndërkohë boshnjaku i Tiranës, Blazh Sllishkoviç barazoi 0-0 në Shkodër me Vllazninë. Kroati i Flamurtarit, Sllavko Kovaçiç fitoi 1-0 në Kavajë me Besën.
Burimi: Albania-sport.com
Kliko per te na ndjekur ne Twitter
E Hene, 23 Gusht 2010
Shto dhe ti komentin tend
Emri dhe e-maili