Kontrata 1 Euro, kush investon ne energjetike Eglantina Nasi
"Pronat e paluajtshme te shtetit do t'u jepen ne perdorim, kundrejt tarifes simbolike 1 Euro kontrata, koncesionareve ne fushen e ndertimit te burimeve te reja energjetike". Nje fakt i tille citohet ne vendimin me te fundit te publikuar dje nga Keshilli i Ministrave, i cili ploteson, ne fakt, ate ekzistues te vitit 2008 "Per percaktimin e kritereve, te procedures dhe te menyres se dhenies me qira, enfiteoze apo kontrata te tjera te pasurise shteterore". Duke saktesuar se eshte "Ministria e Ekonomise, Tregtise dhe Energjetikes, institucioni pergjegjes qe lidh kontraten perkatese me koncesionaret e lartpermendur, per perdorim te pronave te paluajtshme te shtetit me tarifen simbolike 1 euro kontrata". Sipas eksperteve te qeverise, nje vendim i tille i sherben nxitjes se zhvillimit te metejshem te sektorit energjetik si i tille, duke stimuluar koncesionet ne te. Per kete, ata kane leshuar zyrtarisht te drejten e ndryshimit te pergjegjesise se administrimit te pronave te paluajtshme te shtetit dhe te qellimit te perdorimit te tyre, kur behet fjale per investime te rendesishme ne sektorin energjetik te vendit. Por nga ana tjeter, vendimi i lartpermendur i qeverise, percakton edhe dispoziten e shtesave ne kontratat ekzistuese, vetem te siperfaqeve te lira ose funksionale, qe kerkohen nga qiramarresit per te permiresuar ose shtuar veprimtarine e tyre. Ne lidhje me kete, citohet se "shtesa ne kontrate behet per siperfaqe jo me shume se 50% e siperfaqes totale te kontrates, dhe vetem ne rastet kur siperfaqja shtese shtrihet ne kufi me siperfaqen e kontrates se qirase". Kjo do te thote, se qeveria krijon lehtesira edhe per koncesionaret ekzistues qe kane perfituar nga ligji ekzistues per venien ne perdorim te pronave shteterore. Gjithmone ne kuadrin e nismes se suksesshme "Shqiperia 1 Euro", edhe kjo lehtesi e re, vleresohet si nje mundesi me teper qe u jepet sipermarresve, e kete here, atyre qe investojne ne sektorin energjetik te vendit. Kjo iniciative e fundit e qeverise, u shtohet edhe atyre pararendese qe ajo ka ndermarre kohet e fundit lidhur me kete sektor, si ajo e shtimit te licencimeve per HEC-et private dhe lokale, ato ne tregtimin e energjise etj. "Kerkesa per shtese kontrate i drejtohet ministrit te Ekonomise, dhe pas miratimit, ngarkohen Drejtoria e Administrimit te Prones Publike dhe organi qe e ka ne administrim pronen te pergatisin genplanin e siperfaqes shtese se bashku me siperfaqen e kontraktuar. Me kerkese te koncesionarit apo subjektit te autorizuar, Ministria e Ekonomise, kryen, sipas rastit, ndjekjen e te gjitha procedurave te parashikuara nga ligji per ndryshimin e pergjegjesise se administrimit te ketyre pronave dhe transferimin e tyre", sqaron vendimi i qeverise lidhur me kete ceshtje. "Eshte ministria e Ekonomise, ajo qe gezon tagrat dhe mund te disponoje pronat e paluajtshme qe shtrihen ne zonat qe preken nga ndertimi i burimeve te reja energjetike, per te cilat nuk eshte regjistruar titulli i pronesise, duke kryer regjistrimin dhe inventarizimin e tyre, si prona te paluajtshme te shtetit, prane Agjencise se Inventarizimit dhe Transferimit te Pronave Publike, ne perputhje me kuadrin ligjor ne fuqi", eshte nje sqarim tjeter qe VKM-ja e djeshme e qeverise jep per kete ceshtje. Duke perfunduar se ne permbyllje te procedurave per ndryshimin e pergjegjesise se administrimit te pronave te paluajtshme te shtetit, koncesionarit i jepet e drejta qe t'i shfrytezoje ato kundrejt tarifes simbolike 1 Euro.