Konventa e LRI prezanton kandidatet per deputete

Katër nga 7 kandidatët e LSI në qarkun e Tiranës, i takojnë Lëvizjes Rinore për Integrim. Kreu i LSI Ilir Meta I ka prezantuar përpara të të rinjve të kryeqytetit duke u bërë thirrje që ti votojnë sepse është mënyra më e mirë për t’u përfaqësuar në parlament.
Kjo është kryefjala e këtij mitingu të kryetarit të LSI Ilir Meta me të rinjtë, kjo fitore mban emrin Lëvizja Rinore për Integrim tha Meta duke ia bërë të qartë edhe kryeministrit Berisha.

Forca e të rinjve është LSI tha i pari i kësaj partie, është vendi ku promovohen politikanët e rinj. Kjo është reflektuar edhe në listën e kandidatëve tha Meta duke e konkretizuar me Tiranën.

Për Ilir Metën kjo është mundësia që të rinjtë e kryeqytetit të cojnë në parlament përfaqësuesit e tyre të drejtëpërdrejtë.
Platforma rinore ne LRI u prezantua si një risi. Në të shihet si objektiv për tu arritur në 4 vitet në vijim balancimin e raportit midis arsimit profesional dhe atij të përgjithshëm. po kështu praktikat e punës së studentëve nuk do të jenë më një formalitet por do të njihen si eksperiencë pune premtoi kreu i LSI.
Ka ardhur koha që të rinjtë mos t’ia besojnë më rininë e tyre kryeministrit Berisha tha meta duke ia ripërsëritur të rinjve të LRI.