Kopshtet e cerdhet, caj ne vend te qumeshtit Sonila Isaku
Edukatoret dhe drejtoret e kopshteve dhe te cerdheve, nuk pranojne te flasin per konsumimin e qumeshtit ose jo ne institucionet ku ata punojne, pasi reagimi i prinderve ka qene i menjehershem gjate ketyre diteve. Nderkohe, qe jane vete vogelushet e kopshteve, te cilet pohojne se nga dje kane filluar te konsumojne caj ne vend te qumeshtit qe u jepej ne mengjes. Ky vendim eshte marre pas urdhrit te dhene nga Ministria e Shendetesise, si dhe pas vendimit te marre nga Qendra e Edukimit dhe Zhvillimit, e cila ka terhequr mbrapsht te gjithe sasine e qumeshtit qe ndodhej ne institucionet e arsimit parashkollor. Nga ana tjeter, specialiste te sigurise ushqimore ne thone se efektet shendetesore te konsumit te qumeshtit me permbajtje te larte te aflatoksines jane afatgjata dhe kjo varet nga konsumi dhe niveli i kontaminimit te qumeshtit. “Efekte akute nuk ka, nuk eshte evidentuar ndonjehere qe te kete efekt te menjehershem. Megjithate, qe te presesh nje efekt kronik afatgjate, duhet marre ne konsiderate sa eshte sasia e aflatoksines ne produktin ushqimor, sa eshte frekuenca e marrjes se produktit te kontaminuar, se sa sasi merr njeriu. Rregulloret e Komunitetit Evropian referojne vleren 0.05 miligrame per kilograme produkt qumesht", thote Prof.Asoc. Lindita Molla, nga Departamenti i Sigurise Ushqimore ne Shendetin Publik. Deri me tani, dihet vetem norma e lejuar ne vendet e Bashkimit Evropian, nderkohe qe institucionet tona nuk kane bere publike nivelin e aflatoksines qe u dyshua se gjendej ne partite e qumeshtit te analizuara. Sipas specialistes Molla, aflatoksina ka efekt edhe me te ashper tek personat e diagnostikuar me hepatit B. “Flitet per efekte toksike te larta, zakonisht efekti toksik larte eshte kryesisht ne grupe popullate me hepatit B, duke qene se melcia e tyre eshte realisht e semure dhe prania e aflatoksines ne organin e tyre jep efekte me te shpejta se sa kronike”, tha Molla. Vendet e Bashkimit Evropian kane si standard te nivelit te aflatoksines ne qumesht 0.05 miligrame per kilograme, nderkohe qe Shtetet e Bashkuara e kane 10 here me te larte.