Referendumi per 3 ligjet, miratohet ne komision Rozeta Rapushi
Miratohet kerkesa per zhvillimin e nje referendumi per miratimin e tre projektligjeve per marrjen e statusit te vendit kandidat. Deputetet e mazhorances, miratuan te vetem ne mungese te socialisteve dje, ne mbledhjen e Komisionit te Ligjeve, kerkesen e me shume se nje te dhjetes se deputeteve per zhvillimin e referendumit. Nismetaret e kerkeses qe si firme te pare mban ate te kryeministrit Sali Berisha, shprehen se ne kushtet aktuale, kjo eshte zgjidhja per marrjen e statusit te vendit kandidat. “Nismetaret shprehin qendrimin per miratimin e ketyre projekt-akteve, gje e cila do te jape zgjidhjen perfundimtare per marrjen e statusit te vendit kandidat ne Bashkimin Evropian. Miratimi i ketyre projekt-akteve me referendum te pergjithshem popullor do te mundesoje kapercimin e ngercit te hasur deri tani ne integrimin evropian dhe njekohesisht do te jape leksionin me te mire per cfare do lloj sjellje politike ne Kuvend qe ka moto te sajen “Bllokimin”, - nenvizojne firmetaret. Duke i vleresuar nismat me rendesi shume te madhe, deputetet demokrate theksojne se ato kane qene ne programin e punes qe ne korrik te vitit te kaluar. “Miratimi i tyre nuk eshte bere i mundur per shkak te pozicionit bllokues te opozites parlamentare nepermjet refuzimit te shprehur prej saj per te mos marre pjese ne votimin e tyre. Perderisa ato kerkojne miratimin me shumice te cilesuar dhe nuk ka asnje mundesi tjeter per miratimin e tyre, Kuvendi i drejtohet popullit per te ushtruar drejtperdrejt sovranitetin e tij per miratimin e tyre”, - theksojne nismetaret demokrate. Sipas tyre, perderisa opozita nuk ushtron detyren per votimin e tyre, atehere zgjidhja e vetme kushtetuese eshte pushteti qe ka ne duar populli, sepse nje pjese e perfaqesuesve te tyre ne Kuvend nuk pranojne te bejne detyren kushtetuese. Socialistet nuk pranuan te jene pjese e diskutimeve ne komision gjate mbledhjes se djeshme. Nenkryetari i komisionit, Fatmir Xhafaj, tha se anetaret e majte nuk mund te merrnin pjese, per menyren si u zhvillua dhe u thirr mbledhja. “Mbledhja e Komisionit te Ligjeve, ishte mbledhje blic. Natyrisht keshtu do te ndodhte ne mungese te opozites. Ne munguam per menyren si u zhvillua kjo mbledhje, ne shkelje te rregullores se Kuvendit. Ajo u be brenda dites, me materiale te papergatitura ende dhe kryesorja u mblodh ne momentin qe ne ishim ne seance plenare. Pa perfunduar seanca, komisioni nisi per te diskutuar per hidrocentralet dhe referendumin”, - u ankua Xhafaj. Ai e cilesoi mbledhjen marrezine e radhes se mazhorancen, duke shtuar se referendumi nuk mund te zhvillohet, jo vetem brenda kesaj legjislature por as brenda vitit. “Nuk mund te kete referendum ne vitin 2013 eshte nje tallje dhe hipokrizi e kryeministrit Sali Berisha, eshte nje tallje me ligjet e me rregullat”, - akuzoi Xhafaj.