Korçë, shpërthimi i një lënde plasëse i merr jetën një gruaje

Policia lokale bëri me dije se ngjarja u regjistrua rreth mesditës së të enjtes, kur një material i fortë goditi në kokë shtetasen L.Xake, e cila ishte duke punuar tokën e saj.

Burime zyrtare bënë me dije se në këtë fshat po punohej për meremetimin e kanalit ujitës, ku punëtorët përdornin lëndë plasëse artizanale.

Për ngjarjen, policia shoqëroi në komisariat shtetasit Jorgo Lazi  44-vjeç banues në fshatin Mollas, me detyrë kryeplak i këtij fshati, Adrian Emini  50-vjeç banues në fshatin Qinam-Kolonjë, me detyrë punonjës i komunes si dhe Bledar Zoja 26-vjeç banues në fshatin Shtikë-Kolonjë, me detyrë punonjës i komunës. Forcat po kryejnë hetimet për të sqaruar rrethanat e ngjarjes dhe dokumentimin ligjor të saj. /A. Hoxha/Start/

                                                                                             2012-05-24 17:02