Korce lufte parrullash neper mure
Konflikti i vjetër mes popullsisë çame dhe asaj greke ka marrë një trajtë paksa të veçantë në Korçë, edhe pse ne këtë qytet minoritetet greke dhe çame mungojnë. Ai po zhvillohet i heshtur dhe i moderuar, përmes parrullave. Në këtë mur të bardhë gati një muaj më parë ishin shkruar, si në shumë mure të tjerë, parrullat me ngjyrë të kuqe: “Love Çamëria!” dhe “Mos harroni Çamërinë!”.
Deri këtu nuk kishte asgjë të keqe, por dikujt, që vazhdon të mbetet anonim, i kanë vrarë sytë këto parrulla dhe me bojë sprajt blu ka dhënë kundërpërgjigjen e tij. Ai ka shkruar “ZITO PITULI!”
Për shumicën e banorëve të Korçës kjo përgjigje është e padeshifrueshme, mbasi nuk e dinë as gjuhën greke dhe as se kush ka qënë Pituli. Por vllehët e vjetër, që jetojnë në këtë qytet, e kanë deshifruar këtë përgjigje. Sipas tyre ajo përkthehet : “Rroftë Pituli!”. Dora që e ka shkruar këtë kundërparrullë ka dashur t’u kujtojë çamëve ditët e zeza që përjetuan në fund të Luftës së Dytë Botërore, atëhere kur sipas tyre çamët vranë mizorisht një djalë të ri nga fisi vllaho – grek i Pitulit. Më pas ata u përballën me një hakmarrje shumë herë më të ashpër dhe historike të këtyre të fundit.
Pasojat e kësaj hakmarrjeje kanë qënë tepër të dhimbshme. Dy fjalë ka shkruar personi anonim, por në to ka njëkohësisht shumë histori, shumë dhimbje e shumë kërcënim. Parrullat pro Çamërisë janë shkruar vetëm në këtë mur, që ndodhet përballë Parkut “Rinia”, afër Varrezave të Ushtarëve Francezë.
Jorgjeta Gjanci
Deri këtu nuk kishte asgjë të keqe, por dikujt, që vazhdon të mbetet anonim, i kanë vrarë sytë këto parrulla dhe me bojë sprajt blu ka dhënë kundërpërgjigjen e tij. Ai ka shkruar “ZITO PITULI!”
Për shumicën e banorëve të Korçës kjo përgjigje është e padeshifrueshme, mbasi nuk e dinë as gjuhën greke dhe as se kush ka qënë Pituli. Por vllehët e vjetër, që jetojnë në këtë qytet, e kanë deshifruar këtë përgjigje. Sipas tyre ajo përkthehet : “Rroftë Pituli!”. Dora që e ka shkruar këtë kundërparrullë ka dashur t’u kujtojë çamëve ditët e zeza që përjetuan në fund të Luftës së Dytë Botërore, atëhere kur sipas tyre çamët vranë mizorisht një djalë të ri nga fisi vllaho – grek i Pitulit. Më pas ata u përballën me një hakmarrje shumë herë më të ashpër dhe historike të këtyre të fundit.
Pasojat e kësaj hakmarrjeje kanë qënë tepër të dhimbshme. Dy fjalë ka shkruar personi anonim, por në to ka njëkohësisht shumë histori, shumë dhimbje e shumë kërcënim. Parrullat pro Çamërisë janë shkruar vetëm në këtë mur, që ndodhet përballë Parkut “Rinia”, afër Varrezave të Ushtarëve Francezë.
Jorgjeta Gjanci