Korridori rrugor Tirane-Durres, firmosen 18 milione euro investime

Korridori rrugor qe lidh Tiranen me Durresin, konsideruar si nje nyje lidhese per gjithe rruget e vendit, do t'i nenshtrohet permiresimeve te metejshme infrastrukturore me qellim disiplinimin e trafikut. Ministri i Puneve Publike, Transportit dhe Telekomunikacionit, Sokol Olldashi, si dhe perfaqesuesi i Fondit Kuvajtian, Waleed Hussien Abdul Fattah Khatouf, nenshkruan dje ne Tirane, marreveshjen per ndertimin e Nyjes Rrugore te Vores, nje financim me vlere 5.3 milione euro. Po keshtu Olldashi, firmosi dje kontraten per ndertimin e Mbikalimit te Durresit, ku perfshihen rreth 5 km superstrade me 4 korsi kalimi dhe nje vlere 12.6 milione euro. "Ndertim i Nyjes Rrugore te Vores perfshin ndertimin e rreth 3 km rruge paralele me autostraden Tirane-Durres, rakordimin e hyrje-daljeve ne autostrade, mbingritjen e autostrades ne dalje te Vores, ndertimin e nenkalimit ne kete zone, dy rrethrrotullime, por edhe ndricimin e saj", deklaroi ministri Oldlashi. Punimet per ndertimin e Nyjes Rrugore te Vores, nje financim ky i Fondit Kuvajtian dhe qeverise shqiptare, do te kryhen nga kompania J/V Corpi Contrackting & Co dhe pritet te perfundojne brenda 22 muajsh. Realizimi i dy projekteve ne kete aks, mbikalimi i Durresit dhe Nyja Rrugore e Vores, pergjate autostrades Tirane-Durres, marreveshjet per te cilat u nenshkruan sot, do te shtrijne efektet ne te gjithe rajonin, per sa i perket lehtesimit te infrastruktures deri ne Portin e Durresit. Kreu i MPPTT-se, duke e konsideruar si nje dite te nisur shume mire u shpreh se "ky eshte nje projekt shume i rendesishem ne te gjitha pikepamjet, qofte per rregullimin e trafikut qe tranziton nga Tirana e Durresi ne drejtim te Jugut, por edhe per te shmangur trafikun e rende ne zonen e Plazhit te Durresit". Ndertimi i ketyre dy veprave eshte me ndikim te drejtperdrejte edhe ne rrugen e re Durres-Prishtine.