Korrupsion me vulat, pranga policeve
GJIROKASTER- Korrupsioni me vulat e pasaportave ne Doganen e Kakavijes u kushton prangat dy oficereve te policise dhe nje te dyshuari si sekser, njekohesisht biletashites i nje agjencie udhetimi. Emigranteve u duhej te paguanin 800-900 euro per cdo vule qe te kalonin si klandestine ne piken kufitare, por Zyra e Krimit Ekonomiko-Financiar ne policine e Gjirokastres ka zbuluar gjithcka fale pergjimeve dhe metodave speciale te hetimit. Ne kete operacion ka marre pjese edhe Sherbimi i Kontrollit te Brendshem, SHKB-ja, qe i ka vene prangat Spiro Camit, 35 vjec, banues ne fshatin Dervicjan, i punesuar prane nje agjencie udhetimi ne Kakavije, biletashites. Dy policet e ndaluar, mes te cileve nje femer, jane Ylli Hoxha, 40 vjec dhe Brisilda Biraci, 24 vjece, banues ne Gjirokaster.
Ne SHKB-ne e Gjirokastres prej disa javesh ishin depozituar informacione per perfshirje ne korrupsion te efektiveve te Pikes se Kalimit Kufitar te Kakavijes. Sipas hetimeve te kryera, i dyshuari Spiro Cami, grumbullonte pasaporta nga persona te interesuar te cilet donin te merrnin vula hyrje per ne Shqiperi nga punonjesit e policise pa qene vete prezente. I dyshuari sekser, njekohesisht biletashites i nje agjencie udhetimesh, ne bashkepunim me punonjesit e policise siguronte vulat e hyrjes duke perfituar 600-800 euro per person dhe per nje vule.
Burime zyrtare bene me dije se per disa dite me radhe Cami eshte mbajtur nen vezhgim nga agjentet dhe rreth ores 16:00 te se shtunes eshte arrestuar ne flagrance ne Piken e Kalimit Kufitar Kakavije. "Gjate kontrollit te ushtruar ne automjetin tip "Benz", me traga greke INI5097, u gjeten dhe sekuestruan ne cilesine e proves materiale 9 pasaporta shqiptare, te cilat ishin te vulosura me vule hyrje per ne Shqiperi me daten 27.03.2010", sqaruan drejtues te policise vendore. Po keshtu u kapen si prova 1200 euro, 50 mije leke dhe tre celulare me kartat SIM.
Nga verifikimi i kryer rezultoi se pasaportat ishin vulosur nga efektivet Ylli Hoxha dhe Brisilda Biraci. Menjehere operacioni ka vijuar me prangosjen e dy oficereve sapo kishin perfunduar turnin e pare, vetem disa ore pas vulosjes se pasaportave. Ndaj tyre u ngrit akuza e "shperdorimit te detyres" dhe po hetohet per vepren e "korrupsionit pasiv". Kurse ndaj Camit u ngriten akuzat e "dhenies ndihme per kalim te paligjshem te kufirit kundrejt fitimit" si dhe "ushtrim i ndikimit te paligjshem ndaj personave qe ushtrojne funksione publike".
Te arrestuar:
Spiro Cami, 35 vjec, biletashites i nje agjencie udhetimi ne Kakavije
Ylli Hoxha, 40 vjec, polic ne Piken Kufitare Kakavije
Brisilda Biraci, 24 vjece, police ne Piken Kufitare Kakavije
Provat:
Nje autoveture tip "Benz" me targa greke INI5097
9 pasaporta te vulosura diten e arrestimit per hyrje ne Shqiperi
1200 euro, 50 mije leke dhe tre karta SIM
Akuzat:
"Shperdorim detyre, ne bashkepunim"
"Dhenies ndihme per kalim te paligjshem te kufirit kundrejt fitimit"
"Ushtrim i ndikimit te paligjshem ndaj personave me funksione publike"