Korrupsioni, zbardhet arrestimi i profesoreve

Dhenia e rryshfetit per marrjen e provimeve ne universitetet publike shqiptare eshte kthyer ne gangrene per keto institucione dhe po rrenon cilesine e te diplomuarve.
Ne zyrat e krimit ekonomik ne Policine e Shtetit, pothuajse ne cdo drejtori e cila ka ne territorin qe mbulon nje universitet publik, ka denoncime te studenteve per kerkese te nje pagese nga ana e pedagogeve ne kembim te marrjes se provimit. Nje dite pas arrestimeve qe u kryen ne auditoret e Universitetit Bujqesor te Kamzes, drejtues te policise ndersa bejne apel per denoncimin e ketij fenomeni, se pari nga vete studentet, tregojne edhe mekanizmin se si shkuan deri ne arrestimin e profesoreve dhe grupit te sekserve. Hetimi qe coi ne arrestimet e Kamzes e ka zanafillen perpara nente muajve, pas nje denoncimi te ardhur nga nje student ne kete universitet. Sektori i krimit ekonomik infiltroi nje nga agjentet e tij per te verifikuar kete denoncim, si dhe vuri ne pergjim pedagoget e dyshuar. Ne perfundim doli se, pedagoget merrnin 25 mije leke per dhenien e nje provimi. Nje nga personat qe pagoi dhe parate ishte dhe i infiltruari i policise. Zyrat kunder krimit ekonomik ne drejtorite rajonale te policise jane te hapura ne lidhje me denoncimet e studenteve per ta parandaluar kete fenomen. Pikerisht per fenomenin, dy jave me pare kryeministri i vendit Sali Berisha, ne nje konference per arsimin, deklaroi se ketij fenomeni i duhet dhene fund ne menyre urgjente. Studentet bien ne kontakt me korrpusionin qe ne perpjekjet per t’u diplomuar dhe ky shnderrohet ne nje profesion me vete. Nderkohe, Ministria e Arsimit, ne nje njoftim te saj ben te ditur se ministri Myqerem Tafaj urdheroi pezullimin e profesoreve nga detyra.