Kosova bllokon importin e mallrave nga Serbia

Qeveria e Kosoves vendosi sot te ndaloje importimin e mallrave nga Serbia ndersa vendosi taksa doganore shtese per mallrat nga Bosnja dhe Hercegovina.

Ky vendim u morr sot ne mbledhje e qeverise se Kosoves si kunderpergjigje ndaj bllokades qe i kishin vendosur keto dy vende Kosoves qe nga viti 2008.

Ne vendimin e qeverise thuhet se nuk njihen vulat doganore dhe te administrates tatimore te Republikes se Serbise dhe ndalohet importi i te gjitha mallrave te percjella me dokumente qe permbajne keto vula. Po ashtu ne vendim thuhet se nuk njihen vulat doganore te Republikes se Bosnje e Hercegovines dhe vendoset taksa doganore prej 10 per qind ne mallrat e percjella me dokumente qe permbajne kete vule.

Vendimi pasoi anulimin e raundit te gjashte te bisedimeve ndermjet Kosoves dhe Serbise te paraprak per sot ku ishte planifikuar te debatohej pikerisht ceshtja e vulave doganore te Kosoves qe nuk njihen nga Serbia.

Pak muaj pas shpalljes se pavaresise se Kosoves Serbia dhe Bosnje e Hercegovina vendosen te mos lejojne eksportimin e mallrave te Kosoves pavaresisht marreveshjes per tregti te lire ne vendet e Evropes qendrore te njohur si CEFTA.