Kosova dhe Belgjika nënshkruan dy marrëveshje

Kryeministri i Kosovës Hashim Thaçi në ditën e dytë të vizitës zyrtare në Bruksel është pritur nga përfaqësuesja e lartë e BE-së për Politikë të Jashtme dhe Siguri, baronesha Catherine Ashton dhe kryeministri belg, Yves Leterme, ndërsa është diskutuar për reformat në Kosovë me qëllim të përshpejtimit të procesit integruese.

Në njoftimin e Qeverisë së Kosovës thuhet se është folur edhe për proçeset e bashkëpunimit rajonal, progresin e mëtejshëm në proçesin e liberalizimit të vizave dhe për nënshkrimin e Marrëveshjes për tregti të lirë.