Kosova integrim ne BE
Synim i vendeve te Ballkanit Perendimor eshte integrimi ne BE. Por, sa e permbushin keto vende njerin nga kushtet themelore per anetaresim - ndertimi i nje fqinjesie te mire? Ne rastin e Kosoves, raportet me tri vendet fqinje - Shqiperine, Malin e Zi e Maqedonine, jane shume te mira, por problem mbetet Serbia. Raportet e Kosoves me Shqiperine nuk vihen ne diskutim. Ndersa, eshte ne perfundim shenimi i vijes kufitare me Maqedonine, qe perbente kontestin e vetem me kete shtet, i cili bashke me Malin e Zi njohen Kosoven tete muaj pas shpalljes se pavaresise. Kufiri me Malin e Zi nuk eshte percaktuar ende, por perfaqesues te institucioneve nuk presin, se do te kete probleme. Derisa pritet qe shume shpejt te vendosen raportet diplomatike me Maqedonine e Malin e Zi, telashet mbesin me Serbine. Zedhenesi i qeverise se Kosoves, Memli Krasniqi, thote se qasja serbe demton raportet fqinjesore."Problemi kryesor qendron ne Serbi, sepse Serbia nuk e njeh realitetin e ri te Republikes se Kosoves. Serbia ka nje qasje armiqesore ndaj Kosoves dhe vazhdimisht ka provokuar situaten ne Kosove permes manipulimeve qe u ka bere disa perfaqesuesve te komunitetit serb qe jeton ne Kosove", thote Krasniqi. Profesoresha e marredhenieve nderkombetare ne Universitetin e Prishtines, Iliriana Islami, vlereson se duke perjashtuar Serbine, ne ndertimin e raporteve me fqinjet tjere, Kosova ka kaluar testin e demokracise. "Standardet qe ekzistojne per fqinjesi te mire ne mes te shteteve, te cilat jane te parapara edhe me vete Karten e OKB-se, vec po trajtohen ne relacion te tille qe shtetet fqinje e kane njohur Kosoven. Domethene, qysh ne fillim eshte dhene perkrahje shtetit te ri. Kemi filluar qe t'i ndertojme ato raporte qe kerkohen ne mes te shteteve fqinje", shprehet Islami. Islami thote se nese synojne integrimin ne BE, atehere shtetet e Ballkanit duhet te kultivojne raporte te mira fqinjesore. "Fqinjesia e mire eshte kusht i pare themelor qe te anetaresohen ne Unionin Evropian, qe e synojne te gjitha shtetet", thote Islami. Mediat, para disa ditesh, kane transmetuar deklaraten e kryetarit malazias, Filip Vujanoviq, ku thuhet se kusht per vendosjen e raporteve diplomatike mes dy shteteve, eshte njohja e pakices malazeze ne Kosove dhe krijimi i kushteve per kthimin e te zhvendosurve nga Kosova qe jetojne ne Mal te Zi. Zedhenesi i qeverise thote se nuk behet fjale per kushtezime, por per kerkesa. "Keto nuk kane qene kushtezime, keto kane qene disa kerkesa. Dhe, nuk ka kushtezime ne marredheniet diplomatike mes dy shteteve, sepse kur kemi kushtezime, normalisht se nuk mund te kete fryme te bashkepunimit, cka nenkuptojne edhe marredheniet diplomatike", thekson Memli Krasniqi. Analistet konsiderojne se Kosova duhet te intensifikoje dhe forcoje edhe me tej raportet me vendet fqinje.