Kosova merr pjesë në takimin e FMN dhe BB

Uashington -Kosova po merr pjesë në takimin pranveror të Fondi Monetar Ndërkombëtar dhe Bankës Botërore, që po zhvillon punimet në Uashington. Gjatë këtij takimi, po diskutohet për anëtarësimin e Kosovës në këtë institucione të rëndësishme ndërkombëtare. Ministri i Ekonomisë dhe Financave Ahmet Shala kryeson delegacionin kosovar në takimin e sotëm dhe të nesërm. Shala pritet të takohet me përfaqësues të lartë të FMN-së dhe BB-së, si dhe me disa drejtorë ekzekutivë dhe guvernatorë të këtyre dy institucioneve.

Kryetari i Odës Ekonomike të Kosovës Besim Beqaj i tha Radio Kosovës se pjesëmarrja e Kosovës në takimin më të lartë këtyre institucioneve financiare botërore është uvertyrë e anëtarësimit të plotë të Kosovës në FMN dhe BB që pritet të ndodh në maj.

Delegacioni i Kosovës do të takohet edhe me përfaqësues të lartë të Departamentit të Shtetit, të Shtëpisë së Bardhë, me përfaqësues të Thesarit dhe agjencisë amerikane për zhvillim ndërkombëtar.