Kosova pergatit pasaportat e reja

Ministria e Puneve te Brendshme te Kosoves ka filluar pergatitjet teknike per nxjerrjen e dokumenteve, qe, sipas sugjerimeve te mekanizmave nderkombetare, duhet te jene te cilesise se larte, ndersa dokumentet e UNMIK-ut do te mbeten te vlefshme deri ne skadimin e fazes se tranzicionit. Ministri i Puneve te Brendshme, Zenun Pajaziti, ka bere te ditur se procesi eshte ne fazen e negocimit dhe mund te thuhet se ka pengesa, ngase mekanizmat nderkombetar dhe Komisioni Evropian kane sugjerime qe kerkojne kujdes me kualitetin e dokumenteve personale. Ai, po ashtu, ka bere te ditur se prodhimi i pasaportave do te behet jashte Kosoves. "Procesi i prodhimit te pasaportave do te zgjase, meqenese nuk i prodhojme ketu. Eshte nje afat 4-mujor, ne do te perkujdesemi qe kjo periudhe te jete pergatitore, qe qytetaret te mos kene probleme me, pas udhetimit jashte vendit", sqaroi Pajaziti. Vlera e prodhimit te dokumenteve te identifikimit dhe udhetimit, sipas ministrit te Puneve te Brendshme, do te jete rreth 4 milione euro, ndersa pasaportat e Republikes se Kosoves do te jene me ngjyre te kalter te mbyllur me stemen e Republikes ne mes. Per femijet nen moshen 3-vjecare, afati i pasaportes do te jete tri vjet, per qytetaret e moshes pese deri ne 27-vjec, afati do te jete pese vjet, nderkaq pasaporta me validitet 10-vjecar do te leshohet per personat me te vjeter se 27 vjet.