Kosova, shqyrtohet kerkesa per kombetaren e saj

Ne mbledhjen e djeshme te Komitetit te Pergjithshem te FIFA-s, eshte diskutuar dhe mbi kerkesen e Republikes se Kosoves qe te prezantohet me kombetaren e saj te futbollit, ne arenen nderkombetare. Drejtuesit e FIFA-s, kane vendosur qe te dergojne ne Kosove nje delegacion per te kryer verifikime te pergjithshme, perpara se te merret nje vendim perfundimtar, ne nje nga mbledhjet e saj te ardhshme. "Ne vendosem te dergojme nje ekip te posacem ne Kosove, i cili do te kryeje kontakte si dhe do te inspektoje ne menyre te imtesishme situaten politike si dhe zhvillimet diplomatike qe po ndodhin ne kete shtet", thuhet ne deklaraten e Komitetit te Pergjithshem te FIFA-s.
Kosova shpalli mevetesine me 17 shkurt te ketij viti, duke deklaruar zyrtarisht synimin qe te integrohet ne Bashkimin Evropian dhe organizmat e tjera nderkombetare. Ne disa nga sportet qe do te jene pjese e Lojerave Olimpike te Pekinit ne Kine, Kosova do te kete perfaqesuesit e saj si shtet me vete. Nderkohe, shteti me i ri ne bote eshte ne pritje edhe te perfaqesimit zyrtar te saj si kombetare e futbollit ne ndeshjet nderkombetare. Ajo synon madje qe te marre pjese ne eliminatoret me te aferta te mundshme te Kampionatit Evropian te Futbollit si dhe ne ate Boteror.