Kosovë- pasaportat, në qershor

Banorët e shtetit të pavarur të Kosovës do të pajisen me pasaporta dhe karta identiteti, të cilat do të jenë gati në muajin qershor.

Lajmi bëhet i ditur nga mediat kosovare. Ministria e Punëve të Brendshme ka filluar përgatitjet teknike për nxjerrjen e dokumenteve, që sipas mekanizmave ndërkombëtare duhet të jenë të një cilësie të lartë. Por ndërkohë dokumentet e UNMIK-ut do të jenë të vlefshme deri në fund të periudhës së tranzicionit.