Kosovë, pesë të arrestuar për krime lufte
PRISHTINE - Misioni i Bashkimit Evropian për sundimin e ligjit, njoftoi sot për arrestimin e pesë personave, nën dyshimet për krime lufte.
Në një njoftim të EULEX thuhet se “pesë personat janë duke u hetuar për krime lufte kundër popullsisë civile në formën e dhunimit të integritetit trupor dhe shëndetit të civilëve të mbajtur në qendrën e ndalimit të Ushtrisë Çlirimtare të Kosovës në fshatin Likoc të komunës së Skenderajt. Një i dyshuar gjithashtu po hetohet për vrasjen e një civili si krim lufte”.
Në njoftim thuhet se arrestimet janë urdhëruar nga një gjykatës i procedurës paraprake i Gjykatës Themelore të Mitrovicës, ndërsa rasti po hetohet nga një prokuror i posaçëm i EULEX-it nga Prokuroria e Posaçme e Kosovës, por nuk është bërë i ditur identiteti i tyre.
Burimet lokale thanë se në mesin e të arrestuarve janë disa nga drejtuesit e Ushtrisë Çlirimtare të Kosovës në rajonin e Drenicës, përfshirë edhe kryetarin aktual të komunës së Skenderajt, Sami Lushtaku.
(er.nu/voa/BalkanWeb)
Në një njoftim të EULEX thuhet se “pesë personat janë duke u hetuar për krime lufte kundër popullsisë civile në formën e dhunimit të integritetit trupor dhe shëndetit të civilëve të mbajtur në qendrën e ndalimit të Ushtrisë Çlirimtare të Kosovës në fshatin Likoc të komunës së Skenderajt. Një i dyshuar gjithashtu po hetohet për vrasjen e një civili si krim lufte”.
Në njoftim thuhet se arrestimet janë urdhëruar nga një gjykatës i procedurës paraprake i Gjykatës Themelore të Mitrovicës, ndërsa rasti po hetohet nga një prokuror i posaçëm i EULEX-it nga Prokuroria e Posaçme e Kosovës, por nuk është bërë i ditur identiteti i tyre.
Burimet lokale thanë se në mesin e të arrestuarve janë disa nga drejtuesit e Ushtrisë Çlirimtare të Kosovës në rajonin e Drenicës, përfshirë edhe kryetarin aktual të komunës së Skenderajt, Sami Lushtaku.
(er.nu/voa/BalkanWeb)