Kosovë, tjetër aktakuzë për Limajn

 Prokuroria Speciale e Kosovës pritet që brenda pak javësh të ngrejë një aktakuzë të dytë kundër deputetit Fatmir Limaj.

Burime nga kjo prokurori kanë thënë se cikli i hetimeve tashmë është në përfundim dhe se janë siguruar prova për ngritje të aktakuzës që kanë të bëjnë me punën e tij si ministër në Qeverinë e Kosovës për tre vjet rresht.

Kemi siguruar prova të mjaftueshme për aktakuzën, ka thënë një burim për gazetën Koha Ditore në kushte anonimiteti.