Kosovë, zgjedhjet lokale, më 15 nëntor

Zgjedhjet lokale në Kosovë, do të zhvillohen më 15 nëntor të këtij viti. Vendimi është marrë nga presidenti i Republikës së Kosovës, Fatmir Sejdiu, i cili ka dekretuar këtë datë, pas një sërë konsultimesh të gjera me krerët e partive politike në vend. Kjo datë ka qenë në qendër të debatit midis forcave politike në pushtet, të cilat preferonin nëntorin dhe atyre në opozitë, të cilat kërkonin që zgjedhjet të mbahen në tetor. Por, tashmë kanë marrë fund të gjitha dilemat, pas zgjedhjet do të zhvillohen në nëntor, duke mbyllur kështu debatin e gjerë politik.