Kosovë,Thaçi jep dorëheqjen nga posti i deputetit

Kryeministri i Kosovës, Hashim Thaçi ka dhënë dorëheqjen nga posti i deputetit në Kuvendin e Kosovës, për t'iu përkushtuar, siç tha ai vetë, qeverisjes së vendit.
Thaçi zgjedhjen e tij ia bëri të ditur kryetarit të Kuvendit, Jakup Krasniqi, përmes një letre në të cilën thoshte se vendimi i tij bazohet në Kushtetutën e Republikës së Kosovës.
"Ju paraqes dorëheqjen time nga pozita e deputetit të Kuvendit të Kosovës. Këtë veprim e kam ndërmarrë duke pasur parasysh përkushtimin tim ndaj qeverisë së Kosovës, si dhe përmbushjen në mënyrë sa më efikase të të gjitha detyrave të mija si kryeministër", është shprehur Thaçi.