Krasniqi: Presioni i OKB dhe BE ndaj Kosoves jo demokratik

Presioni qe behet nga Organizata e Kombeve te Bashkuara dhe Bashkimi Evropian per te pranuar dokumentin 6-pikesh te OKB-se eshte jo demokratik dhe kunder kushtetues. Ky eshte reagimi i kryetarit te Kuvendit te Kosoves, Jakup Krasniqi, mbi planin 6-pikesh te Ban Ki-Mun. Ai ka thene se edhe Kuvendi qendron pas deklarimit te presidentit dhe kryeministrit per kete ceshtje. Ndersa i pyetur se nese OKB-ja e miraton planin pa e pyetur Prishtinen, Krasniqi tha se pergjegjes per sovranitetin e territorit te Kosoves pas 17 shkurtit eshte vetem Kuvendi i Kosoves. Ndersa perfaqesuesi i Bashkimi Evropian per politike te jashtme dhe siguri, Havier Solana ka deklaruar ne Bruksel se, pret nje marreveshje per misionin EULEX, deri ne fund te javes. Solana, pas takimit te Keshillit te Ministrave te BE-se, te henen ka deklaruar se pret arritjen e marreveshjes gjate diteve te ardhshme, respektivisht deri ne fund te javes. Disa media kane raportuar se Solana eshte ne kontakt te perhershem me Beogradin dhe Prishtinen, dhe se te premten ka biseduar me Presidentin serb, Boris Tadic, ndersa te henen me perfaqesuesit e Kosoves.