Bello: Ministri Pango, presion federatave

Perfaqesues te KOKSH-ti jane shprehur hapur kunder MTKRS-se. Ne prag te zgjedhjeve per kreun e ri te KOKSH-it kane nisur debatet e para. Perfaqesues te federatave dhe te KOKSH-it jane shprehur kunder nderhyrjeve te MTKRS-se ne zgjedhjet e reja. Sekretari i Pergjithshem i KOKSH-it, Stavri Bello u shpreh dje se ministri Pango po nderhyn qellimisht, duke iu bere presion federatave te Sportit, nepermjet akordimit te fondit Grant. Te gjitha federatat ne Shqiperi, perjashto ate te futbollin, mbijetojne nga te ardhurat qe jep shteti nepermjet fondit Grant. Kur duhen edhe pak jave, pare se te zgjidhet emri i ri, Bello i ben publikisht thirrje Pangos qe te distancohet dhe te mos ndikoje ne zgjedhjen e emrit te ri: “Ministri Pango po nderhyn ne menyre te qellimshme, para zgjedhjes se presidentit te ri,” – tha Bello. - “ Ne si perfaqesues te Sportit, i kerkojme qe te distancohet nga presionet qe ben karshi federatave.” Sipas Bellos, ministri Pango ka paralajmeruar federatat pak kohe me pare se nuk do te leshoje fondin Grant, ne rast se nuk behen zgjedhjet ne secilen prej tyre. Federatat, nepermjet perfaqesuesve te tyre do te votojne per emrin e kreut te ri te KOKSH-it. Data e zgjedhjeve per president te KOKSH-it eshte e percaktuar, me 6 dhjetor. Aktualisht president i KOKSH-it eshte Hysen Domi, te cilit i mbaron mandati i dyte. Debatet e fundit lidhen me emerimin e presidentit te ri.