Krasniqi: Veriu e ka një zgjidhje, Planin e Ahtisarit

Sipas Krasniqit, idetë e lëshuara së fundmi nga Grupi Ndërkombëtar i Krizave, janë të paarsyeshme, pasi institucionet e Kosovës e kanë tashmë një Plan, i cili i garanton të drejtat maksimale të gjitha komuniteteve në vend.

Deklarata e Krasniqit erdhi pas mbledhjes së Kryesisë së Kuvendit të Kosovës, ku dhe u përcaktua seanca e parë e sesionit të vjeshtës. Kjo seancë do të mbahet më 2 shtator, për të shënuar 100-vjetorin e lindjes së Nënës Terezë. Ndërkohë, seanca e rregullt e Kuvendit do të mbahet më datë 6 shtator.