Kreditë,Preçi:Shteti nuk mund ti detyrojë bankat

Dhënia e kredive do të ndihmonte në përmirësimin e raportit import-eksport dhe në uljen e papunësisë ka deklaruar ekonomisti Zef Preçi. Megjithatë Preçi ka theksuar se ne jemi në një ekonomi tregu dhe nuk mund që të detyrohet askush por ato që duhet të ndihmohen më tepër janë bizneset e vogla.
Për të rritur dhënien e kredive Preçi u shpreh se kjo mund të arrihet duke ndjekur politikat e duhura siç është ulja e normës së interesit apo pakësimi i rregullave për dhënien e kredive.
Vetëm para pak ditësh ministri i financave dhe vetë Guvernatori i Bankës së Shqipërisë i kërkuan bankave më tepër kredi për të patur një bilanc pozitiv në ekonomi.