Krere te shteteve, anulojne udhetimin per ne Varshave
Presidenti Bamir Topi, anuloi udhetimin e tij drejt Polonise ku ishte parashikuar te merrte pjese ne ceremonine mortore ne nder te homologut te tij polak, i cili humbi jeten tragjikisht pak dite me pare ne nje aksident ajror, Leh Kazinski. Hiri vullkanik qe ka anuluar jo pak fluturime ne te gjithe Evropen, detyroi dje edhe kreun e shtetit shqiptar te mos fluturoje per te nderuar homologun e tij te ndjere. Por Topi nuk eshte i vetmi qe nuk do te marre pjese ne ceremonine mortore te Kazinskit. Po diten e djeshme u more vesh se edhe perfaqesuesit e tete shteteve te tjera kane anuluar pjesemarrjen e tyre ne kete ceremoni, si pasoje e hirit vullkanik. Keshtu, behet e ditur se ne ceremonine mortore te Kazinskit, nuk do te jete as Presidenti maqedonas Ivanov, kryeministri koreanojugor Chung Unchan, ministrat e Jashtem te Indise, Meksikes, Egjiptit, kryeparlamentari japonez, etj. Deri dje ne mbremje u konfirmua pjesemarrje e lidereve te 98 vendeve, mes te cileve Presidenti i Shteteve te Bashkuara, Barak Obama, ai rus Medvedev, Presidenti frances Nikolas Sarkozi, Kancelarja gjermane Merkel etj. Nderkohe qe u konfirmua edhe pjesemarrja e Presidentit te Republikes se Kosoves, Fatmir Sejdiu. Nga Prishtina u be e ditur se Sejdiu u nis diten e djeshme per ne Poloni dhe sot do te marre pjese ne ceremonine e varrimit te Presidentit te Polonise, Leh Kazinski. Zyra e shtypit e Presidentit beri te ditur se duke ndare dhembjen me popullin polak, Presidenti Sejdiu u ka derguar nje telegram ngushellimi per kete ngjarje tragjike autoriteteve polake, ndersa gjate javes nenshkroi ne librin e zise, te hapur ne ambasaden e Hungarise ne Prishtine. Anulimi i udhetimeve te perfaqesuesve te disa shteteve per ne Poloni, erdhi per shkak te hirit vullkanik qe ka penguar me dhjetera fluturime ne te gjithe Evropen. Pikerisht per kete ceshtje, hapesira ajrore polake eshte mbyllur prej dites se djeshme, sikurse ne pjesen me te madhe te vendeve te Evropes. Nderkohe qe diten e sotme zhvillohet ceremonia e varrimit te Presidentit te Polonise, Leh Kazinski. Presidenti polak humbi jeten tragjikisht javen e kaluar, ne nje aksident ajror ne Smolensk, ku vdiqen edhe bashkeshortja e tij Maria dhe nje numer i madh zyrtaresh te larte te shtetit polak. Ceremonia mortore e presidentit polak do te ndiqet sot nga mbare bota. Behet e ditur se rreth 3000 gazetare nga mbare bota, do te ndjekin lamtumiren e fundit qe i jepet sot Presidentit polak, Kazinski dhe bashkeshortes se tij. R.Rapushi