Rinas, bllokohen fluturimet ne Evrope
Shkon ne 15 numri i destinacioneve ku anulohen fluturimet nga aeroporti nderkombetar i Tiranes. Permes nje njoftimi per mediat, aeroporti "Nene Tereza" njofton se gjate dites se djeshme, jane anuluar fluturimet direkte per ne Londer, Budapest, Vjene, Mynih, Shtutgard, Bolonje, Milano, Trevizo, Verona, Frankurt, Lubjane, Rimini, Gjenova, Torino dhe Prishtine, per shkak te hirit ne zonen e Islandes, si rrjedhoje e vullkanit qe shpertheu diten e merkure. Fluturimet jane anuluar deri ne nje njoftim te dyte. Nderkaq mesohet se fluturimet e planifikuara per ne Rome, Athine, Bari, Stamboll kane operuar normalisht. Nderkaq, kaosi i trafikut ajror per shkak te reve te hirit vullkanik, i prodhuar nga shperthimi i vullkanit ne Jug te Islandes, i cili ka perfshire gati gjysmen e Evropes, ka prekur dhe Shqiperine, e gjithe gadishullin ballkanik. Organizata evropiane per sigurine e trafikut ajror "Eurocontrol" ka bere te ditur se bllokimet e trafikut ajror vazhdojne edhe sot, ne nje pjese te madhe te kontinentit evropian. Jane anuluar 16 mije fluturime nga 22 mije qe ishin parashikuar ne Evrope. Organizata evropiane per sigurine dhe transportin ajror "Eurokontrol", deklaroi se efektet e reve te hirit nga Islanda do te jene te pranishme per te pakten edhe 24 oret e ardhshme, cka do te pengoje fluturimet ne pjesen me te madhe te Evropes Qendrore dhe Veriore. Nderkohe qe zyrtare nga aeroporti "Nene Tereza" ne kryeqytet bejne te ditur se serish sot, jane anuluar fluturimet drejt Vjenes ne Austri, Budapestit ne Hungari, aeroportit te Londres ne Britani, aeroportit te Mynihut, Shtutgardit e Frankfurtin ne Gjermani dhe Milanos, Bolonjes e Trevizos ne Itali. Ata qe udhetojne drejt ketyre vendeve, si edhe ne rastet kur kalojne tranzit permes tyre, do te jene te detyruar te presin njoftime te tjera. Edhe gjate dites se djeshme, disa fluturime ishin pezulluar per shkak te rese se hirit qe ka mbuluar thuajse gjithe qiellin e Evropes. Nuk jane anuluar fluturimet ne Bari dhe Rome te Italise. Ne Gjermani mbyllja e hapesires ajrore gjermane do te vazhdoje per te pakten deri sot ne oren 12:00. Te 16-te aeroportet nderkombetare te Gjermanise, do te qendrojne te mbyllur per trafikun ajror gjashte ore me teper nga sa ishte parashikuar. Ne Austri - Autoriteti austriak i kontrollit ajror ''Austro Control' njoftoi se hapesira ajrore austriake do te qendroje e mbyllur deri ne mengjesin e dites se sotme. Ne vendet baltike hapesira ajrore e mbyllur. Ne Belgjike hapesira ajrore e mbyllur. Ne Bullgari, aeroporti i kryeqytetit Sofje anuloi te gjitha fluturimet e parashikuara. Ne Danimarke, hapesira ajrore e mbyllur. Ne Finlande, anulimi i fluturimeve do te vazhdoje deri sot ne oren 12:00 GMT. Ne France, te tre aeroportet e Parisit, Roissy, Orly dhe Bourget si dhe 11 aeroporte te tjere te Frances do te qendrojne te mbyllur deri ne oren 14:00 (12:00GMT) te dites se sotme, ndersa 12 aeroporte te tjere jane parashikuar te mbyllen nga dje ne mbremje deri sot. Ne Britani e Madhe, Londra do te vazhdoje t'i mbaje mbyllur pjesen me te madhe te hapesires se saj ajrore deri dje ne mbremje per te vendosur serish kufizime ajrore ne Skoci, njoftuan sherbimet britanike te kontrollit ajror (NATS)."Parashikimet aktuale tregojne se situata po keqesohet per te gjithe diten e sotme", shtoi NATS. Ne Hungari, hapesira ajrore e mbyllur duke filluar nga ora 17:00 GMT. Vala e pezullimeve dhe reduktimeve te fluturimeve ajrore ka perfshire dhe vendet fqinje si Greqine, Kroacine dhe Maqedonine.
Kaos ne udhetimet ajrore, nga Britania ne Baltik
Hapesira ajrore nga Britania deri ne vendet Baltike, si dhe ne jug deri ne Rumani, Kosove dhe Shqiperi, eshte mbyllur plotesisht ose pjeserisht, mijera fluturime jane anuluar, kurse bota sheh e shqetesuar perhapjen e hirit vullkanik nga Islanda. Zyrtaret e kontrollit te fluturimeve kane paralajmeruar se crregullimet nga reja e madhe e hirit vullkanik pritet te zgjasin edhe gjate dites se shtune, ndersa operimet normale te aeroplaneve mund te vazhdojne pas disa diteve. Zyrtare te aeroportit nderkombetar te Prishtines, kane bere te ditur se te gjitha fluturimet e parapara per diten e shtune, jane anuluar si pasoje e reve te hirit vullkanik, te shkaktuara nga nje vullkan ne Islande. Drejtori i aeroportit nderkombetar te Prishtines, Agron Mustafa, i ka thene radios "Evropa e Lire" se pas mbylljes se aeroporteve ne shtetet, ku ishin parapare fluturimet per te shtunen, si Zvicra, Gjermania, Sllovenia etj, jane anuluar fluturimet, per shkak se aeroportet e tyre nuk jane ne funksion.