Kreu i KiE letër eurodeputetëve: Të çojmë para integrimin, Ballkani Perëndimor i rëndësishëm për BE

“Ballkani Perëndimor është i rëndësishëm për BE-në dhe BE-ja është e rëndësishme për Ballkanin Perëndimor”. Kështu është shprehur Presidenti i Këshillit Europian Michel Charles në letrën dërguar krerëve europianë, ndërsa pritet që Këshilli Europian të mbahet më 23-24 qershor për të diskutuar mbi integrimin e vendeve të rajonit.

Michel shprehet se duhet të riaktivizohet procesi i zgjerimit dhe të ecet para me integrimin e Shqipërisë dhe Maqedonisë së Veriut. Kjo sipas tij është e vetmja mënyrë për të garantuar sigurinë dhe stabilitetin jo vetëm të Ballkanit Perëndimor por edhe të BE-së.

“Ballkani Perëndimor është i rëndësishëm për BE-në dhe BE-ja është e rëndësishme për Ballkani Perëndimor. Prandaj, ne duhet të ri-energjizojmë procesin e zgjerimit dhe ta çojmë përpara integrimin e partnerëve tanë të Ballkanit Perëndimor. Ne do t’i takojmë ata përpara mbledhjes sonë të Këshillit Evropian. Paqja, siguria dhe prosperiteti në një rend ndërkombëtar të bazuar në rregulla janë vlera të BE-së. Ideja e një komuniteti politik evropian u krijua për të nxitur dialogun dhe bashkëpunimin politik. Ne do të përfshihemi në diskutime strategjike se si të forcojmë marrëdhëniet tona për të adresuar çështjet me interes të përbashkët”, shkruan Michel.

Kërkesës së Ukrainës për tu bërë pjesë e BE-së pas agresionit rus që po përjeton Michel kërkon që asaj dhe Moldavisë, t’i jepet statusi kandidat.

“Me luftën në Evropë, ne kemi ndërmarrë veprime të paprecedentë, duke projektuar ndikimi gjeopolitik të BE-së. Tani duhet të ndërmarrim hapa të mëtejshëm për të forcuar kontinentin, sigurinë dhe stabilitetin tonë. Ky do të jetë fokusi kryesor i takimit tonë të Këshillit Evropian më 23-24 qershor. Tani është koha për të pranuar se e ardhmja e Ukrainës, Moldavisë dhe Gjeorgjisë qëndron brenda BE-së. Unë do t’ju ftoj t’i jepni statusin kandidat Ukrainës dhe Moldavisë’, shprehet ai.

Me situatën që ka shkaktuar luftën në Ukrainë, në Europë dhe përtej saj, kreu KiE thotë se duhet të vijojmë mbështetjen ndaj Kievit me mjete të forta humanitare, ushtarake si edhe atë ekonomike dhe financiare.

Letra e kreut të Këshillit të Europës

Të dashur kolegë,

Me luftën në Evropë, ne kemi ndërmarrë veprime të paprecedentë, duke projektuar ndikimi gjeopolitik të BE-së. Tani duhet të ndërmarrim hapa të mëtejshëm për të forcuar kontinentin, sigurinë dhe stabilitetin tonë. Ky do të jetë fokusi kryesor i takimit tonë të Këshillit Evropian më 23-24 qershor.

Tani është koha për të pranuar se e ardhmja e Ukrainës, Moldavisë dhe Gjeorgjisë qëndron brenda BE-së. Unë do t’ju ftoj t’i jepni statusin kandidat Ukrainës dhe Moldavisë. Paralelisht, ne do të vazhdojmë t’i sigurojmë Ukrainës mjete të forta humanitare, ushtarake, mbështetje ekonomike dhe financiare.

Ballkani Perëndimor është i rëndësishëm për BE-në dhe BE-ja është e rëndësishme për Ballkani Perëndimor. Prandaj, ne duhet të ri-energjizojmë procesin e zgjerimit dhe ta çojmë përpara integrimin e partnerëve tanë të Ballkanit Perëndimor. Ne do t’i takojmë ata përpara mbledhjes sonë të Këshillit Evropian.

Paqja, siguria dhe prosperiteti në një rend ndërkombëtar të bazuar në rregulla janë vlera të BE-së. Ideja e një komuniteti politik evropian u krijua për të nxitur dialogun dhe bashkëpunimin politik. Ne do të përfshihemi në diskutime strategjike se si të forcojmë marrëdhëniet tona për të adresuar çështjet me interes të përbashkët.

Pasojat e luftës po ndihen shumë përtej rajonit tonë. Rusia është duke përdorur furnizimet ushqimore, po vjedh grurin, bllokon portet dhe po shkatërron tokat bujqësore të Ukrainës duke i kthyer në fushë beteje. Kjo prek shumë vende, veçanërisht Afrikën, duke rrezikuar zi buke dhe paqëndrueshmëri sociale e politike. Duke u mbështetur në përpjekjet tona për të ndihmuar Ukrainën të eksportojë grurin e saj, do të diskutojnë masat e mëtejshme për të trajtuar këto çështje.

Konferenca për të Ardhmen e Evropës ka përfshirë qytetarët evropianë dhe ka bërë propozime që synojnë përmirësimin e funksionimit të Unionit tonë. Situata aktuale kërkon një diskutim të thellë gjatë Samitit tonë në prani të Presidentit të Bankës Qendrore Evropiane dhe Presidentit të Eurogrupit. Ne gjithashtu do të duhet të përcaktojmë se si duam të ecim përpara në Unionin Bankar dhe Unionin e Tregjeve të Kapitalit.

Ne do të takohemi të enjten e 23 qershorit në orën 9:30 me liderët e Ballkanit Perëndimor. Më pas do të vazhdojmë me takimin tonë të Këshillit Evropian, i cili do të fillojë në orën 15:00 me shkëmbimin tradicional të mendimeve me Presidentin e Parlamentit Evropian.

Mezi pres t’ju shoh në Bruksel.

/rtsh.al/