Kreu i PS-së Rama takohet me aleatët

Kreu i PS-së Edi Rama ka thirrur sot në një takim aleatët e majtë për të diskutuar mbi situatën politike në vend si dhe për qëndrimin politik të opozitës gjatë muajit në vijim.
 

Takimi i cili është i pari për vitin 2012 po zhvillohet pranë selisë së PS-së ndërsa deri më tani në takim kanë mbërritur kreu i PSD-së Skënder Gjinushi, kreu i PDS-së Paskal Milo, kreu i PLD-së Spartak Ngjela, kreu i PSV91 Petro Koçi, kreu i PDK-së Nard Ndoka, sekretari i koalicionit Ndre Legisi si dhe politikani Preç Zogaj ndërsa mungon kreu i PBDNJ-it Vangjel Dule.

Ndërkohë pritet që një tjetër temë e diskutimit të jetë edhe ndryshimet në reformën zgjedhore. Edhe pse është krijuar një komision parlamentar për reformën zgjedhore deri më tani janë shqyrtuar vetëm çështjet teknike.