Kristofer Hill beson ne efektin e diplomacise muzikore

BANKOK - Koncerti historik i dhene te marten e kaluar ne Phenian nga Orkestra Filarmonike e Nju Jorkut, mund t'i binde koreanoverioret te heqin dore nga ambiciet e tyre berthamore, tha ne Bankok zyrtari i larte amerikan Kristofer Hill. "I besoj shume muzikes, vecanerisht, kur ata, qe e degjojne nuk kuptojne tekstin, ndoshta do te duan muziken", tha Hill, ndihmessekretari i Shtetit per ceshtjet aziatike dhe negociatori kryesor amerikan per Korene e Veriut lidhur me nderprerjen e programit berthamor.
"Nese Pheniani heq dore nga ambiciet e tij berthamore, kjo do te hape mundesi te shumta per koreanoverioret", theksoi Hill per shtypin ne Tajlande. "Orkestra e mrekullueshme, qe luajti atje vepra te tilla si "Bota e Re"(Dvorak) simbolizon kete. Do te jete me te vertete nje bote e re per Korene e Veriut, nese largohet nga ambiciet e saj berthamore", deklaroi zyrtari amerikan.
Hill beri te ditur, se mund te shkoje ne fundjave ne Pekin per te diskutuar lidhur me programin berthamor te Phenianit. Ai kujtoi se Koreja Veriore ka marre asistence te specializuar per caktivizimin e instalimeve berthamore, por procesi nuk ka mbaruar ende. Koreja e Veriut nuk ka deklaruar akoma gjithe arsenalin e vet berthamor.