Kriteret e dyfishta

Drilon Haziri
Ne kohen kur te gjithe popujt evropiane ruajne dhe mbrojne me xhelozi vlerat e tyre kombetare, politikanet ketu flasin per nje Kosove multietnike. Duan ta paraqesin popullin e Kosoves si nje konglomerat popujsh ballkanik. Keta e bejne kete sepse politikanet e Evropes e duan kete. Ata duan nje Kosove multietnike, aty ku shumica diskriminohet nga pakica ne emer te diskriminimit pozitiv (nje term i krijuar posacerisht per ne shqiptaret). Me se 35% e popullates se Maqedonise jane shqiptare, por ata trajtohen si nennjerez nga pushteti atje. Me gjithe keto shkelje drastike, Maqedonise ende i premtohet anetaresimi ne BE. Mirepo vete BE nuk i respekton parimet qe po i kerkon me ngulm nga shqiptaret e Kosoves. Rumania e cila eshte pranuar se fundi ne BE, ka nje pakica prej gati 2 milione hungarezesh etnik (me se 8%), por prape nuk quhet shtet multietnik. Mirepo evropianet duan te degjojne vetem per Kosoven multietnike - ndryshe nuk ben. Padrejtesia merr forme te tabelave te mbishkrimeve. Ne Fushe Kosove, ku popullata shqiptare tejkalon 90%, dhe ku pakicen me te madhe e perbejne romet, ne mbishkrimin e nderteses komunale, pos emerimit ne gjuhen shqipe, shkruhet 'Skupstina Opstine Kosovo Polje', kurse ne Leposaviq nuk guxon te kete mbishkrime shqip, sepse kjo po i lendoka ndjenjat e serbeve. Serbet, edhe pse rreth 7% ne Kuvendin e Kosoves, kane te drejten dhe mundesine te pengojne cdo perpjekje per te ndryshuar dicka thelbesore ne Kushtetute dhe rrjedhimisht ne poziten juridiko-politike te Kosoves. Serbet kane te drejte te protestojne, te djegin, te vrasin, te dhunojne, te deportojne, nderkaq kur populli shqiptar i Kosoves del per te kerkuar realizimin e vullnetit te tij, pritet me plumba. Jemi nder popujt e vetem ne Evrope qe na mohohet mundesia e referendumit si dhe e bashkimit kombetar. Politikanet tane i kane pranuar keto kushte ne kembim te 'integrimeve evropiane'. Politikanet tane na detyrojne ta duam nje flamur dhe nje Kushtetute, per te cilen ne as qe jemi pyetur, madje na detyrojne ta quajme veten 'kosovare' (sikurse kerkonte Titoja). Si mund ta perfaqesojne Kosoven flamuri dhe Kushtetuta e saj, kur ne to nuk ka asnje simbolike te vetme qe e paraqet Kosoven shqiptare. Ne Kushtetute nuk permendet asnjehere fjala "shqiptar". Gjate prononcimeve publike, Kryeministri dhe Presidenti kurre nuk e permendin fjalen shqiptar.
Kosova e vertete eshte Kosova shqiptare. Populli yne nuk do te gelltise genjeshtrat e kesaj politike qe na e shkel identitetin tone kombetar. Rruga me e drejte per t'ia kthyer Kosoven shqiptareve eshte vetevendosja.

Shenim: Opinionet e botuara ne faqet e Forumit, nuk perbejne domosdoshmerisht vijen editoriale te gazetes.