Kriza ekonomike, LSI akuza qeverise

Levizja Socialiste per Integrim akuzoi qeverine se nuk ka marre asnje mase per te frenuar krizen ekonomike e cila ne Shqiperi shoqerohet edhe me fenomenin e cmimeve te larta qe ndikojne direkt ne nivelin e jeteses se shqiptareve.

"Gjendja e rende ekonomike e qytetareve shqiptare duket qarte ne rritjen e pandalshme te cmimeve. Ndersa cmimi i karburanteve ne bote eshte ulur tre here, ne Shqiperi eshte ulur vetem 20 perqind duke abuzuar hapur mbi konsumatoret", eshte shprehur nenkryetarja e LSI-se, Filloreta Kodra. 

"Gjendja e renduar ekonomike duket qarte edhe ne rritjen e pakontrolluar te cmimit te produkteve me te domosdoshme te perditshme. Me kete politike kjo qeveri qe nuk do ta luftoje korrupsionin u merr dyfish cmimin e energjise shqiptareve te ndershem, qe respektojne ligjin dhe paguajne taksat, nje here me faturat e KESH-it dhe heren e dyte me shperdorimin e fondeve publike per te subvencionuar nje ndermarrje qe tashme ka falimentuar", shtoi Kodra.