Kriza ekonomike, OKB-ja apel G20-ës

Kriza ekonomike kërcënon të çojë në varfëri edhe 50 milionë banorë të tjerë dhe të ndërpresë më shumë se 4.5 miliardë dollarë ndihma për më të varfërit.
Eshtë pra e nevojshme që liderët e vendeve pjesëmarrëse në samitin e G20-ës, në Londër, të marrin masa duke marrë në konsideratë shtetet më të varfëra. Ky është apeli që bëhet nga fushata e mijëvjeçarit e OKB-së. "Kriza që po jetojmë ka një impakt dramatik në ekonomitë e vendeve të varfëra dhe vendeve në zhvillim", thuhet në një dokument të Pallatit të Qelqtë.