Kriza financiare zbut cmimet

Frika se kriza do te sjelle nje renie te pergjithshme te kerkeses se konsumatoreve ka bere qe cmimet e lendeve te para, por edhe ushqimeve, te shenojne kete fillim jave nje ulje mjaft te forte, gati historike, qe pak kohe me pare askush nuk mund ta parashikonte.

Kete te marte ne bursen e Londres nje fuci nafte po shitet me 86 dollare, niveli me i ulet i 12 muajve te fundit. Krahasuar me muajin korrik te ketij viti, cmimi i naftes ka rene me mbi 42 perqind, nderkohe qe ekspertet parashikojne ulje te tjera.

Por renia e cmimeve ka perfshire edhe dritherat. Dje cmimi i grurit ne burse ra me 6.5 perqind. Brenda nje jave cmimi i drithit ne burse ka rene me me shume se 16 perqind, ulja me e madhe qe nga viti i larget 1956. Te njeten tendence kane ndjekur edhe cmimet e disa produkteve te tjera ushqimore.

Por ndonese ne pamje te pare ky mund te duket nje lajm i mire per konsumatoret, ekspertet tani i druhen nje tjeter fenomeni, qe e cilesojne mjaft te rrezikshem, atij te deflacionit, ose e thene ndryshe renies masive te cmimeve qe do ta zhyste ekonomine boterore ne nje periudhe te gjate depresioni.

“Ne kushtet e nje sistemi bankar ne krize, i cili mund te mos jete i afte te ushqeje ekonomine me kredi, ulja e cmimeve e kombinuar me renien ekonomike mund ta shnderroje deflacionin ne me shume se nje kercenim,” shkruan “Bloomberg”.

Shtetet e Bashkuara te Amerikes u perballen me nje situate te ngjashme ne vitin 2003, kur inflacioni arriti ne me pak se 1 perqind. Per t’u perballur me kete situate Banka Amerikane uli normen e interesit ne 1 perqind, niveli me i ulet i 45 viteve.

Disa eksperte thone se pikerisht kjo eshte edhe zanafilla e krizes aktuale boterore, pasi norma e ulet e interesave nxiti nje bum te kredive me cmim te lire, cka me vone rezultoi nje vetevrasje per bankat.