Kriza greke, "dush te ftohte" ne rajon
Me gjithe ndihmat miliardeshe nga ana e BE, gjendja ne Greqia mbetet e tensionuar. Edhe shtetet fqinje me Greqine e shikojne me shqetesim kete zhvillim dhe druhen, qe ne te ardhmen do t'u duhet "ta shtrengojne me fort rripin". Agjencia gjermane e lajmeve "Dojce Vele" analizoi dje keto ndikime. Keshtu ne Maqedoni, por edhe ne Shqiperi e ne vende te tjera te Evropes Juglindore, bankat greke shpesh kane nje pozicion dominant ne treg. Deri tani, motore te rritjes ekonomike per te gjithe rajonin. Po a do te jete e njejta situate, kur nga Greqia te vijne me pak kredi dhe investime? Vetem ne Bullgari nga investuesit greke varen 100 mije vende pune, para se gjithash ne industrine e ndertimit. Banka Boterore paralajmeron per mundesine e veshtiresive ekonomike, per frenim te rritjes ekonomike dhe deficite me te larta ne buxhetet shteterore. Ne te gjithe rajonin, tregjet financiare dhe marredheniet tregtare jane te varura nga Greqia. Ministri i Financave te Maqedonise, Zoran Stavrevski, gezohet per paketen e shpetimit te vendit fqinj, por paralajmeron per pasojat e programeve te forta te kursimit, per te cilat e kane detyruar Greqine. Pasoja, te cilat duhet t'i perballojne edhe fqinjet e Greqise: "Trazira te mundshme dhe greva ne Greqi do te pasqyrohen edhe ne tregti. Kufijte ndoshta atehere duhet te mbyllen. Qe firmat greke te terhiqen nga Maqedonia dhe shtete te tjera fqinje, kete nuk e besoj. Maqedonia eshte atraktive per shkak te shpenzimeve te uleta per ore pune. Nje rrobaqepese ne Maqedoni, e cila punon cdo dite 10 ore, arrin te marre ketu ndoshta 100 deri 120 Euro. Ne Greqi situata eshte krejt e ndryshme", tha Stavrevski. Anetaret e BE, Rumania dhe Bullgaria druhen se do te ndeshkohen per hir te grekeve, megjithese perpiqen qe t'i plotesojne shpejt te gjitha kriteret e euros. Kryeministri i Bullgarise, Boriso flet per sjellje jo te ndershme. Por planet qe brenda dy vjetesh te realizohet hyrja ne zonen e euros dhe qe te eliminohet monedha vendase, tani jane ngrire. Kriza e Greqise ka efektin e nje "dushi te ftohte" per te gjithe rajonin.